Belgili fýtbol mamany Ilshat Aitqulov Resei chempionatynda oinaityn «Orynbor» klýbyn jattyqtyrady, dep habarlaidy "Ult aqparat" klýbtyń resmi saityna silteme jasap.
51 jastaǵy Ilshat Nurǵaliuly «Orynbor» klýbynyń bas bapkeri Konstantin Emelianovty aýystyrdy. Aitqulov bas jattyqtyrýshynyń mindetin atqarýshy bolyp taǵaiyndaldy, ol osy qyzmetti maýsym sońyna deiin atqaratyn bolady.
«Aitqulov komandaǵa maýsym sońyna deiin jetekshilik etedi. Onyń bolashaǵy komandanyń nátijelerine bailanysty bolady. Bizdiń mindetimiz — chempionatty tabysty aiaqtaý», - dedi «Orynbor» FK qamqorshylyq keńesiniń múshesi Vasilii Stolypin.
Ilshat Aitqulov «Orynborda» 2005 jyldan beri jumys istep keledi. Transfermarkt.de portalynyń málimetinshe, Aitqulovtyń ulty men azamattyǵy – qazaq.
Esterińizge sala keteiik, bul klýbta Qazaqstan quramasynyń jartylai qorǵaýshysy Islambek Qýat ta oinaidy.
