بەلگٸلٸ فۋتبول مامانى يلشات ايتقۇلوۆ رەسەي چەمپيوناتىندا وينايتىن «ورىنبور» كلۋبىن جاتتىقتىرادى, دەپ حابارلايدى "ۇلت اقپارات" كلۋبتىڭ رەسمي سايتىنا سٸلتەمە جاساپ.
51 جاستاعى يلشات نۇرعاليۇلى «ورىنبور» كلۋبىنىڭ باس باپكەرٸ كونستانتين ەمەليانوۆتى اۋىستىردى. ايتقۇلوۆ باس جاتتىقتىرۋشىنىڭ مٸندەتٸن اتقارۋشى بولىپ تاعايىندالدى, ول وسى قىزمەتتٸ ماۋسىم سوڭىنا دەيٸن اتقاراتىن بولادى.
«ايتقۇلوۆ كومانداعا ماۋسىم سوڭىنا دەيٸن جەتەكشٸلٸك ەتەدٸ. ونىڭ بولاشاعى كوماندانىڭ نەتيجەلەرٸنە بايلانىستى بولادى. بٸزدٸڭ مٸندەتٸمٸز — چەمپيوناتتى تابىستى اياقتاۋ», - دەدٸ «ورىنبور» فك قامقورشىلىق كەڭەسٸنٸڭ مٷشەسٸ ۆاسيليي ستولىپين.
يلشات ايتقۇلوۆ «ورىنبوردا» 2005 جىلدان بەرٸ جۇمىس ٸستەپ كەلەدٸ. Transfermarkt.de پورتالىنىڭ مەلٸمەتٸنشە, ايتقۇلوۆتىڭ ۇلتى مەن ازاماتتىعى – قازاق.
ەستەرٸڭٸزگە سالا كەتەيٸك, بۇل كلۋبتا قازاقستان قۇراماسىنىڭ جارتىلاي قورعاۋشىسى يسلامبەك قۋات تا وينايدى.
