Aǵymdaǵy jyly mektep muǵalimderiniń attestatsiiasy ótedi. Sonyń nátijesi boiynsha jalaqyǵa 50 protsenttik ústemeaqy qosylady, dep xabarlaidy QazAqparat tilshisi.
QR Bilim jáne ǵylym ministri Erlan Saǵadievtiń aitýynsha, búginde respýblika boiynsha 285 myńnan astam muǵalim jumys isteidi. Olardyń teń jartysy - joǵarǵy jáne birinshi sanattaǵy muǵalimder.
«Qazirgi kezde muǵalimderge naqty talap qoiatyn pedagogtyń kásibi standarty bekitildi. Attestatsiiadan ótkizý júiesi talqylanyp jatyr. Attestatsiiany kúzde jańa oqý jyly kezinde bastaityn bolamyz», - dedi E. Saǵadiev Úkimettiń búgingi otyrysynda.
QazAqparat tilshisine suxbat bergen QR Bilim jáne ǵylym vitse-ministri Asxat Aimaǵambetov attestatsiianyń nátijesi boiynsha 50 protsenttik ústameaqynyń tólenetinin rastady.
«Qazir attestatsiianyń jańa tártibi bekitilip jatyr. Bul - Elbasynyń tapsyrmasy. Sonyń nátijesi boiynsha ustazdarǵa 30-50 protsentke deiin ústemeaqy tólenetin bolady», - dep atap kórsetti A.Aimaǵambetov.
