Bilim jáne ǵylym ministrligi pedagog mártebesin joǵarylatý maqsatynda attestattaýdyń jańa túrin engizgen bolatyn. Testileý aǵymdaǵy jyldyń 3-5 qarasha aralyǵynda júrgizildi, dep habarlaidy "Ult aqparat" ministrliktiń baspasóz qyzmetine silteme jasap.
Elimizdiń barlyq óńirinen 51 271 muǵalim «pedagog-sarapshy», «pedagog-zertteýshi», «pedagog-moderator», «pedagog-sheber» sanattaryn alý maqsatynda testileýge qatysyp, jaqsy nátijeler kórsetti.
Orta bilim berý uiymdarynyń pedagogtary Ulttyq biliktilik testileýin 36 JOO, 2 kolledj jáne 27 mektepte uiymdastyrylǵan pýnktilerde tapsyrdy. 34 185 pedagog testileýdi sátti tapsyrdy, onyń ishinde: «pedagog-moderator» - 10346 (72%), «pedagog-ekspert» - 12215 (65%), «pedagog-zertteýshi» - 10957 (65%) jáne «pedagog-sheber» - 667 (53%).
Ótken testileýmen salystyrǵanda qarasha aiyndaǵy testileýde shekti deńgeiden ótken pedagogtardyń sany artqanyn baiqaýǵa bolady. Esterińizge sala keteiik, Ulttyq biliktilik testileýiniń nátijesinde muǵalimderdiń jalaqysy biliktiliginiń rastalýyna bailanysty ósedi.
Ulttyq biliktilik testileýi - suraq kitapshasy men jaýap paraǵyn paidalaný arqyly júzege asyrylatyn keshendi testileý. «Oqý ádistemesi men pedagogika» modýlderi boiynsha ázirlengen suraqtardyń 70 paiyzy pándik bilimge jáne 30 paiyzy pedagogika men ádistemege baǵyttalǵan.
