Foto: «Eýraziia júregine saiahat» ekspeditsiiasynan
«Eýraziia júregine saiahat» – Resei, Qazaqstan, Qyrǵyzstan, Ózbekstan jáne Tájikstan elderiniń pikirlesterin biriktirgen halyqaralyq joba. «Eýraziia júregine saiahat» ekspeditsiiasynyń qatysýshylary Túrkistan qalasyna jetti, dep habarlaidy Ult.kz.
Quramynda 70 adam bar top mádeni-tarihi ári indýstrialen baǵyt boiynsha Qazaqstannyń óńirlerin aralap júr. Keóshpeli ekspeditsiianyń maqsaty elder arasyndaǵy dostyq, yntymaqtastyq, seriktestik baǵyttaryn nyǵaitý bolyp sanalady.
Ekspeditsiiaǵa qatysýshylar kieli shaharda keshki sýburqaqtar shoýyn, ushatyn 8D «Altyn samuryq» teatryn tamashalap, Ortalyq Aziiadaǵy naǵyz shyǵys ertegisine engendei áser aldy. Al kelesi kúni ekskýrsiia kezinde kesene, kóne qalashyqty qaita jańǵyrtý, zamanaýi etno-saiabaqtardy tamashalap, kiiz úide dástúrli dastarhannan dám tatty.
«Bizdiń maqsaty maqsatymyz – memleketterimiz arasyndaǵy kóldeneń bailanystardy qalyptastyrý. Bul saiasi joba emes, bul dostyqqa negidelgen bastama. Biz muny úlken ujym bolyp, birlese daiyndadyq. Jáne osy bailanystardyń nyǵaiýyna, damýynabar kúshimizdi salyp kelemiz. Halyqtar bir-biriniń kórshi elderiniń ómirimen, mádenietimen tanyssa deimiz», – deidi ekspeditsiia jetekshisi Mihail Brýsilovskii.
Foto: Týrizm jáne sport ministrligi
«Eýraziia júregine saiahat» halyqaralyq ekspeditsiiasy Máskeý qalasynan bastalǵan. Eki ai ishinde qatysýshylar 8 myń shaqyrymnan asa jol júrip, Resei, Qazaqstan, Qyrǵyzstan, Ózbekstan jáne Tájikstan elderindegi 30 qalaǵa barady. Qazaqstan aýmaǵyndaǵy marshrýt eldiń ońtústigi men batysyndaǵy negizgi mádeni jáne týristik baǵyttardy qamtidy. Olardyń qatarynda Aqtóbe, Aral, Baiqońyr, Qyzylorda, Túrkistan, Shymkent, Taraz jáne Almaty qalalary bar.
«Biz Máskeýden osy kúnge deiin 4 myń shaqyrymnan astam joldy eńserdik. Jalpy marshrýt uzyndyǵy 8 myń shaqyrymnan asady. Ekspeditsiia 51 kúnge josparlanǵan. Osy sapara barysynda bizben birge bes aziialyq blogerler men buqaralyq aqparat quraldarynyń ókilderi qatysyp jatyr», – deidi ekspeditsiia qatysýshysy Mýhommedjon Baijanov.
Iá, 50 kún ishinde ekspeditsiiaǵa qatysýshylar bes el men 30-dan astam qalany aralaidy. Ár qalada biznes-forýmdar, ǵylymi sessiialar, mádeni-buqaralyq is-sharalar josparlanǵan. Jobanyń maqsaty – jańa bailanystardy qalyptastyrý, ortaq tarihi-mádeni keńistikti nyǵaitý jáne Ortalyq Aziiada turaqty yntymaqtastyq alańyn qurý.
7400 shaqyrymdyq avtosherý Resei Federatsiiasynyń oblystaryn qamtydy jáne Qazaqstan Respýblikasy arqyly jalǵasyp jatyr. Odan ári baǵyt Ózbekstan Respýblikasy, Qyrǵyz Respýblikasy jáne Tájikstan Respýblikasynyń aýmaǵy arqyly ótedi. 5 memleket pen 30-dan astam qalany biriktiretin «Eýraziia júregine saiahat» ekspeditsiiasy 6 maýsymda Máskeýde bastaldy jáne 22 shildede Dýshanbede aiaqtalady.
Aqbota Musabekqyzy
