Ulttyq ekonomika ministri Áset Erǵaliev ákimdikterge eldiń turaqty jáne sapaly ekonomikalyq ósimin qamtamasyz etetin 5 baǵytty atady, dep habarlaidy QazAqparat.
«Barlyq kórsetkishter boiynsha oń ósý Aqmola, Almaty, Jambyl, Qostanai oblystarynda jáne Shymkent qalalarynda baiqalýda.
6 kórsetkish boiynsha 7 óńirde ósý baiqalady. Olar Nur-Sultan qalasy, sondai-aq Atyraý, Qaraǵandy, Qyzylorda, Pavlodar, Soltústik Qazaqstan jáne Túrkistan oblystary. 4 óńirde 5 kórsetkish boiynsha ósý tirkeldi», - dedi ol Úkimet otyrysynda.
Ministrdiń málimeti boiynsha, Batys Qazaqstan oblysynda 4 kórsetkish boiynsha ǵana ósý baiqalǵan.
Ol sondai-aq, ortalyq jáne jergilikti atqarýshy organdarǵa mynadai sharalarǵa nazar aýdarýdy usyndy:
1. Sapaly investitsiialardy tartý men súiemeldeý boiynsha memlekettik basqarýdyń barlyq satylarynda belsendi jáne maqsatty jumys júrgizý.
2. Óńdeý ónerkásibi men qurylys salasynda josparlanǵan ósý qarqynyn qamtamasyz etý.
3. Infliatsiiaǵa qarsy áreket etý jónindegi sharalar keshenin tiimdi júzege asyrylýyn erekshe baqylaý.
4. Halyqty vaktsinatsiialaý jáne kásipkerlikti qoldaý sharalaryn tiimdi júzege asyrý.
5. Shikizattyq emes eksportqa keshendi túrde qoldaý kórsetý.
«Joǵaryda atalǵan sharalardy iske asyrý elimizdiń turaqty jáne sapaly ekonomikalyq ósýine múmkindik beredi», - dep túiindedi ministr.
