Bilim jáne ǵylym ministriniń orynbasary Elmira Sýhanberdieva 8 myńnan astam pán muǵalimi aǵylshyn tilin úirenip jatqanyn málim etti, dep habarlaidy Baq.kz agenttigi.
Senattyń Áleýmettik-mádeni damý jáne ǵylym komitetinde ótip jatqan úkimet saǵatynda Elmira Sýhanberdieva biyl 110 myńnan astam pedagog respýblikalyq biýdjet esebinen biliktilikti arttyrý kýrstarynan ótip jatqanyn atap ótti. Ministrdiń orynbasarynyń aitýynsha, 5 myńǵa jýyq tórt pándi aǵylshynsha úiretip júr eken.
«Onyń ishinde 8 myńnan astam pán muǵalimi jeke pánderdi aǵylshyn tilinde oqytý úshin tildik kýrstarda bilim alýda. Olardyń 5 myńǵa jýyǵy osy oqý jylynan bastap sabaq berýge kiristi. Ustaz ortalyǵy barlyq óńirlerde aǵylshyn tilinde sabaq bere bastaityn 4,5 myńnan astam muǵalimge qoldaý kórsetýde. Ótken oqý jylynda 510 mektep keibir pánderdi aǵylshyn tilinde pilottyq joba retinde oqytsa, osy oqý jylynda 2200-den astam mektepte aǵylshyn tili elementteri qoldanylýda», - dedi ol.
Aita keteiik, elimizdegi joǵary synyptarda (10-11 synyp) himiia, fizika, biologiia, informatika pánderi aǵylshynsha ótedi.
