Biyl elorda aýmaǵynda turýǵa 48 Resei azamaty jáne 10 Ýkraina azamaty (3 otbasy) «bosqyn» mártebesin alýǵa ótinish berdi, dep habarlaidy QazAqparat.
«Jyl bastalǵaly 48 Resei azamaty elorda aýmaǵynda turýǵa ótinish bildirdi. Al Ýkraina boiynsha biyldyqqa 10 azamat (3 otbasy) «bosqyn» mártebesin alýǵa niet tanytty. Odan bólek 2 aýǵan, 2 QHR azamaty «bosqyn» mártebesin surap otyr. Olardyń ótinishi QR kóshi-qon týraly zańy aiasynda qaralady», - dedi Nur-Sultan qalasy politsiia departamenti kóshi-qon qyzmeti basqarmasynyń basshysy Arman Baimuhamet politsiia departamentinde ótken baspasóz máslihatynda.
Onyń aitýynsha, ótinish bergen shetel azamattarynyń osynda týystary bar.
«Osy tusta eskeretin jait, olarǵa Qazaqstannyń azamattyǵy berileiin dep jatqan joq. Osyny shatastyrmaǵan joq. Ótinim berýshiler Qazaqstanǵa ýaqytsha turýǵa jáne «bosqyn» mártebesin berýdi surap otyr. Al azamattyq alý úshin bizdiń elde keminde 5 jyl turýy kerek», - deidi ol.
