«Azamattarǵa arnalǵan úkimet» qyzmetkerleri demalyssyz jumys istep jatyr. Búginde Almatynyń Halyqqa qyzmet kórsetý ortalyqtarynyń qyzmetkerleri 42500 teńgeni alýǵa joldanǵan 20 myńnan astam ótinishti óńdedi, dep habarlaidy QazAqparat tilshisi.
31 naýryzda Memleket basshysy Qasym-Jomart Toqaev zeinetaqy men memlekettik járdemaqyny, AÁK pen áleýmettik kómekti qosa alǵanda, jyldyq mánde 10% indeksatsiialaýdy tapsyrǵan bolatyn.
Sonymen qatar, tótenshe jaǵdai kezinde tabysynan aiyrylǵandarǵa, sondai-aq qiyn jaǵdaiǵa tap bolǵan ózin-ózi jumyspen qamtyǵandarǵa 1 ETJ nemese 42 500 teńge tóleýdi tapsyrdy. Boljam boiynsha, qoldaý úshin 3 millionǵa jýyq qazaqstandyq ótinish bildirýi múmkin.
Memleket basshysynyń shuǵyl tapsyrmasyn oryndaý úshin «Azamattarǵa arnalǵan úkimet» memlekettik korporatsiiasy» kommertsiialyq emes AQ Áleýmettik blogynyń qyzmetkerlerine júkteme 4 esege artty.
«Azamattarǵa arnalǵan úkimettiń» Almaty qalasy boiynsha filialynyń ujymy áleýmettik turaqtylyqty saqtaý úshin, Prezidenttiń qaita esepteý jónindegi tapsyrmasyn oryndaý maqsatynda onlain qyzmet kórsetýge kiristi.
Filialdyń baspasóz qyzmetiniń habarlaýynsha, bul jumysqa filialdyń áleýmettik blogynyń 200-den asa qyzmetkeri jumyldyrylǵan.
«Onyń ishinde 100–den asa operator bek-ofisterde jáne 100-den asa operator úide onlain qyzmet kórsetýde. Jumys kestesi tańǵy saǵat 8.00-den bastalyp 22.00-ge deiin, keide odan da uzaqqa sozylýda. Olar azamattardyń ótinishterin qabyldaidy, tekseredi jáne ýákiletti organǵa jiberedi. Áleýmettik saqtandyrý jónindegi memlekettik qordyń (GFSS) rastaýynan keiin qujattardy tólem jasaý úshin bazaǵa engizedi. Búginde deiin respýblika boiynsha kelip túsken 1 million 200 myńǵa jýyq ótinishtiń 20 myńnan astamy Almaty qalasynyń úlesinde. Filial qyzmetkerleri olardy óńdep, tólem jasaýdy qamtamasyz etýde», - delingen aqparatta.
Sondai-aq, 1414 call-ortalyǵynda jumys isteý úshin áleýmettik bloktyń 2 operatory bólingen. Olar azamattardyń áleýmettik tólemderge qatysty suraqtaryna jaýap beredi.
«Eldegi qazirgi jaǵdai bárimizden birlikti talap etedi. Bizdiń qyzmetkerlerimiz eselene túsken jumysyna barlyq kúsh jigerin jumsap, qairattylyq tanytýda, óitkeni jaýapkershilik júgi óte aýyr. Barlyq aýdandarda járdemaqyǵa ótinishter tolassyz kelip túsýde. Qyzmetkerlerimizdiń tózimdiligi men shydamdylyǵynyń arqasynda tapsyrma sapaly oryndalyp jatyr. Bul oraida,filialdyń áleýmettik qamtamasyz etý blogynyń barlyq qyzmetkerlerine alǵysymdy bildiremin! Bizdiń uranymyz- SANALY QYZMET-SAPALY NATIJE!» - dedi filial direktory Daniiar Qyryqbaev.
