42 500 teńge járdemaqyny tóleýge qarajat zeinetaqy jinaqtarynan alynady degen aqparat jalǵan. Bul týraly QR Eńbek jáne halyqty áleýmettik qorǵaý ministrliginen málim etti, dep habarlaidy "Ult aqparat".
«42 500 teńge tóleýge arnalǵan qarajat zeinetaqy jinaqtarynan alynyp jatyr degen messendjerlerde taraǵan aqparat shyndyqqa janaspaidy. Tótenshe jaǵdaidyń engizilýine bailanysty tabysynan aiyrylǵan azamattarǵa 42 500 teńge kóleminde áleýmettik tólemder tóleý úshin qarajat Memlekettik áleýmettik saqtandyrý qorynan bólindi. Azamattardyń jalǵan aqparatqa nazar aýdarmaýyn jáne aqparatty tek resmi kózderden ǵana paidalanýyn suraimyz. Jalǵan aqparatty taratý zań boiynsha jazalanatynyn eske salamyz», - dedi ministrlikten.
