42 500 teńge áleýmettik tólem azamattardyń esepshotyna tolyq kólemde túsedi. Bul týraly búgin Ortalyq kommýnikatsiialar qyzmetindegi brifingte QR Eńbek jáne halyqty áleýmettik qorǵaý ministri Birjan Nurymbetov aitty, dep habarlaidy "Ult aqparat".
«42 500 teńge ataýly áleýmettik kómek alyp júrgen kisilerdiń tabysyna kirmeidi. Onyń tabys retinde eseptelmeitindigin sizderge naqty aitamyn. 42 500 teńge alǵandar bolashaqta zeinetkerlikke shyqqanda bul ýaqyty eńbek ótili retinde esepteledi. Zańǵa mundai ózgeris engizilgen», - dedi ol.
Onyń aitýynsha, 42 500 teńge mólsherindegi áleýmettik tólemnen salyq, zeinetaqy tólemderi ustalmaidy.
«Keibireýler «qolǵa 42 500 teńge túspeidi eken» dep aityp júr. Tolyq túsedi. Eshqandai salyq ta, alym da ustalmaidy jáne odan nesie qaryzy, kommýnaldyq qaryzdardy ustaýǵa bolmaidy. Sizge 42 500 teńge taǵaiyndalsa, onda sol soma esepshotyńyzǵa túsedi», - dedi ministr.
Birjan Nurymbetov bir otbasyda 3-4 adamda tótenshe jaǵdaiǵa bailanysty tabysynan aiyrylsa, onda olardyń barlyǵy da 42 500 teńge áleýmettik tólem alatyndyǵyn basa aitty.
