Foto:eurasiatoday.ru
Kóshi-qon aǵyny men demografiialyq ósimniń áserinen Almaty oblysyndaǵy turǵyn úi kezegi jyl saiyn 4-5 myń adamǵa artyp, biylǵy jyldyń 1 mamyryndaǵy málimet boiynsha óńirde úi kezeginde turǵandardyń sany 41,2 myń adamǵa jetti. Bul týraly Májilis otyrysynda depýtat Janarbek Áshimjanov aitty, dep habarlaidy "Ult Aqparat".
"Aǵymdaǵy jyly turǵyn úi qurylysyn iske asyrýǵa jalpy respýblika boiynsha 272,0 mlrd. teńge, onyń ishinde Almaty oblysy úshin - 11,4 mlrd. teńge kózdelgen. Iaǵni, ózge oblystar úshin turǵyn úi satyp alýǵa qarajat aitarlyqtai joǵary bólindi. Máselen, Atyraý – 707,6 myń halqy bar - 12,6 mlrd. teńge; Aqtóbe - 942,7 myń halqy bar 13,7 mlrd. teńge bólindi; Qyzylorda - 843,9 myń halqy bar 20,7 mlrd. teńge; Pavlodar – 753,6 halqy bar myń adamǵa 12,9 mlrd. teńge. Joǵaryda atalǵan óńirler úshin bul qarajat 1,5 mln. halqy bar Almaty oblysyna qaraǵanda edáýir joǵary", -degen depýtat qarastyrylǵan qarajat basqa óńirlermen salystyrǵanda halyq sanyna proportsionaldy emes ekenin atap ótti.
Almaty oblysy halyq sany (1537,9 myń adam) jáne halyqtyń áleýmettik osal toptary azamattarynyń sany (283,6 myń adam) boiynsha respýblikada Almaty qalasy men Túrkistan oblysynan keiin úshinshi orynda tur.
2024 jyly 901,9 myń sharshy metr turǵyn úi salý josparlanýda eken, onyń ishinde biýdjet esebinen 129,1 myń sharshy metrge 1618 páter (61 úi) salynbaq.
QR Úkimetiniń ekonomikalyq ósýdi qamtamasyz etý jónindegi birinshi kezektegi is-qimyl jospary sheńberinde 2024 jyly «Samuryq-Qazyna» AQ arqyly 272,0 mlrd.teńge mólsherinde qosymsha qarjylandyrý esebinen turǵyn úi qurylysy kólemin ulǵaitý jónindegi shara kózdelgen. QR Ónerkásip jáne qurylys ministrligi osy qarajattan Almaty oblysy úshin halyqtyń áleýmettik osal toptarynyń azamattary úshin 989 páterdi satyp alýǵa 16,2 mlrd. teńge qoldady.
"Sondai-aq, QR Ónerkásip jáne qurylys ministriniń 2023 jylǵy 22 jeltoqsandaǵy №11 buiryǵymen bekitilgen Erejelerdiń talaptaryna sáikes keletin oblys aýmaǵynda 2 120 páter jetkilikti turǵyn úi bar ekenin habarlaimyz. Joǵaryda aitylǵandarǵa bailanysty óńirler bólinisinde respýblikalyq biýdjet qarajatynan pýldy (272 mlrd. teńge) qaita qaraý jáne Almaty oblysynyń (1,54 mln. halqy bar 700 páterge 11,4 mlrd. teńge) qajettiligi úshin qarjylandyrýdy ulǵaitý, iaǵni qarajatty halyq sanyna proportsionaldy bólý kerek dep sanaimyz.Turǵyn úi salý jáne paidalanýǵa berý halyqty óz turǵyn úiimen qamtamasyz etýge, sondai-aq óńirdiń áleýmettik-ekonomikalyq damýyn jaqsartýǵa múmkindik beredi. Joǵaryda aitylǵandardyń negizinde halyqtyń áleýmettik osal toptarynyń sanattaryna páter satyp alý úshin qosymsha qarjylandyrý máselesine yqpal etýińizdi suraimyn!" -dep J. Áshimjanov depýtattyq saýalyn QR Ónerkásip jáne qurylys ministri Q.B. Sharlapaevqa joldady.
