Qazaqstanda deklaratsiia tapsyrǵan 497 myń jeke tulǵanyń 440-ynda 58 eldiń bankterinde shot bar. Aqshanyń jalpy somasy - 691 milliard teńge. Bul týraly Memlekettik kirister komiteti tóraǵasynyń orynbasary Jaidar Ińkárbaev málimdedi, - dep habarlaidy Tengrinews.kz tilshisi MKK baspasóz qyzmetine silteme jasap.
Qazaqstandyqtar bank shottaryn kóbine Resei Federatsiiasynda, Amerika qurama shtattarynda, Shveitsariiada ashqan.
494 jeke tulǵa 26 elde 666 jyljymaityn múlik deklaratsiialaǵan. Onyń 436-sy Reseide, 44-i BAÁ-de, 38-i Túrkiiada.
1030 jeke tulǵa 49 shet memlekette tirkelgen 1198 kólik quralyn deklaratsiialaǵan. Onyń 292-i Reseide, 235-i Armeniiada, 221-i Japoniiada, 162-si Germaniiada.
47 jeke tulǵanyń Qazaqstannan tys jerlerde, Reseide, Kiprde, BAÁ-de 57 zańdy tulǵada qatysý úlesi bar.
1585 jeke tulǵa 11 elde 1603 jyljymaityn múlik qurylysynda úlesi bar ekenin kórsetti, onyń ishinde Qazaqstanda 1568.
- 116 adam deklaratsiiada altyn investitsiialaǵanyn kórsetken;
- 918 adamnyń 25 elde baǵaly qaǵazdary bar;
- 635 investitsiialyq pai qorlarynda 608 adamnyń paiy bar;
- 212 adamnyń 218 ziiatkerlik menshigi, avtorlyq quqy bar;
- 355 adamnyń debitorlyq bereshegi bar;
- 578 adamnyń kreditorlyq bereshegi bar.
- 1 704 jeke tulǵa 2 327 nysandy basqa bireýge basqarýǵa bergen.
Eske salaiyq, 2021 jyldyń 1 qańtarynan bastap kirister men múlik týraly deklaratsiiany myna adamdar tapsyrady:
- jaýapty memlekettik laýazymdy atqaratyn adamdar men olardyń jubailary (zaiyptary);
- memlekettik fýnktsiialardy oryndaýǵa ýákilettik berilgen adamdar men olardyń jubailary (zaiyptary);
- memlekettik fýnktsiialardy oryndaýǵa ýákilettik berilgen adamdarǵa teńestirilgen adamdar men olardyń jubailary (zaiyptary);
- "Qazaqstan Respýblikasyndaǵy sailaý týraly" Qazaqstan Respýblikasynyń Konstitýtsiialyq zańyna jáne "Sybailas jemqorlyqqa qarsy is-qimyl týraly", "Qazaqstan Respýblikasyndaǵy bankter jáne bank qyzmeti týraly", "Saqtandyrý qyzmeti týraly", "Baǵaly qaǵazdar naryǵy týraly" zańdaryna sáikes deklaratsiia ótkizý mindeti júktelgen adamdar.
