QR Mádeniet jáne sport vitse-ministri Erlan Qojaǵapanov mektep oqýshylarynyń sportpen ainalysýy týraly aitty, dep habarlaidy "Ult aqparat".
«Buqaralyq sportty damytýdaǵy baǵyttardyń biri mektep jáne stýdentter ligalaryn ótkizý arqyly damityn mektep jáne stýdenttik sport bolyp otyr», - dedi Qojaǵapanov Májilistiń Áleýmettik-mádeni damý komitetiniń keńeitilgen otyrsynda.
Onyń aitýynsha, jalpy bilim beretin mektepterde sporttyń ár túrleri boiynsha sport sektsiialarynyń jelisi keńeiýde. Mektep sportyn damytýdyń oń mysaly retinde «Ushqyr dop» (gandbol), «Teńbil dop» (fýtzal), «Bylǵary Dop» (fýtbol), «Shubar Dop» (voleibol), «Altyn dop» (basketbol) siiaqty jobalardy iske asyrý bolyp sanalady. Olarǵa jyl saiyn Qazaqstannyń túrli óńirlerinen 40 myńnan astam oqýshy qatysady.
«Sondai-aq, jergilikti deńgeide 188,9 myń bala men jasóspirim qamtylǵan 602 BJK (balalar men jasóspirimder klýby), 119 dene shynyqtyrý-saýyqtyrý klýby (BJDShSK) jumys isteidi», - dedi vitse-ministr.
