"Patriot" bolý týraly aqyl-keńes beretin basshylarǵa aitarym, bizde bankterden nesieni 20-25%-pen alyp, qinalsa da, ony ýaqytyly jaýyp júrgen azamattar - naǵyz patriottar. Páter men 10 sottyq jerdi alý úshin 10-15 jyl shydap kezekte turǵan qazaqstandyqtar - naǵyz patriottar. Keibir basshylardyń offshordan milliardtaǵan dollary shyǵyp jatqanda, 40-50 myń teńge ailyqqa jumys istep júrgen bizdiń azamattar - naǵyz patriottar. Korrýptsiiamen baiyǵan biligi bar ekenin bilse de, 30 jyl shydap kelgen xalyq - naǵyz patriot. Munai men gazǵa, tabiǵi bailyqqa bai elde kedei ómir súrip jatsa da, bilikten osy ýaqytqa deiin "Nege bulai?" dep suramaǵan xalyq - naǵyz patriot. Shetelge ketýge múmkindigi bolsa da, elde jumys istep, bolashaqqa senimmen qaraityn, birdeńe ózgertkisi keletin jastarymyz - naǵyz patriottar!
Eń aqyry, bir prezidentke 30 jyl bas igen xalyq - shydamy myqty, naǵyz patriottar. Sebebi, osynyń bárine elde tynyshtyq bolsyn dep shydady. Kóndi! Araǵa 30 jyl salyp azdap ainalasyna qarap, kózi ashylyp, óziniń jai-kúiin kórshi elderdegi, álemdegi ózgeristermen salystyryp, "Bizde nege basqasha emes?" degen zańdy saýaldy qoia bastaǵan elge "Taǵy da úndeme. Shyda! Patriot bol!" demeńdershi, ótinish.
Bizdiń elita ǵylymi-texnikalyq jańalyq ashyp baiymaǵany belgili. Bailyǵynyń jartysyn xalyqqa investitsiialap, offshordaǵy milliardtaryn elge ákelip, xalyqtyq jobalarǵa salyp, shat-pat qazaqshasyn túzep, aqsaqaldarymyz "Ái, 30 jylda bitirgenim shamaly, endi el keleshegi jastar úshin ornymdy birjola bosataiyn" dep patriotizmderin kórsetsinshi bizge.
Halyqtan 30 jyl tek talap etip, patriot emessiń dep basatyn, al ózderinen eshteńe suraýǵa bolmaityn, surasań qýdalaityn qandai elita bul? Qai jeri patriotizm bunyń?! 30 jyl jemqorlyqty kórip kele jatqan xalyqqa basshylardyń uialmai shyǵyp patriotizm týraly aitýy degeniń - marazm! Patriotizm týraly aitý úshin elitanyń qoǵam aldynda bedeli men moralno quqyǵy bolýy kerek eń bolmaǵanda...
Baýyrjan Serikbaevtyń Feisbýktaǵy jazbasynan
