Qazaqstan Damý banki avtonesielendirý baǵdarlamasy sheńberinde biyl 20 mlrd teńgege deiingi somada qarajat bólý josparlanyp otyrǵanyn málim etti, dep habarlaidy QazAqparat.
«Avtonesielendirý baǵdarlamasyna sáikes biyl 20 mlrd teńgege deiingi somada qarajat bólý kútilýde. Qarajatty bólý kúni anyqtalmaǵan», dep jaýap berdi bankten .
Avtonesieleý baǵdarlamasyn júzege asyrýǵa 2015 jyldan bastap kelesi ekinshi deńgeili 7 bank qatysady. Olar:
- «Qazaqstan Halyq Banki» AQ;
- «Sberbank» AQ EB;
- «Bank VTB» AQ EU;
- «Eýraziialyq Bank» AQ;
- «ATF Bank» AQ;
- «Bank Tsentr Kredit» AQ;
- «Forte Bank» AQ.
Bank keltirgen málimetke sáikes, avtonesieleý baǵdarlamasy aiasynda 2021 jyldyń 1 aqpanyna 26 958 avtokólik satylǵan.
Jeńildetilgen avtonesieleý baǵdarlamasy boiynsha avtokólik satyp alýǵa qoiylatyn negizgi talaptar:
- avtokólik Qazaqstanda shyǵarylýy tiis;
- avtomobildiń quny - 15 mln. teńgeden aspaidy;
- qaryz merzimi - 84 aidan aspaýy tiis;
- nominaldy paiyzdyq mólsherleme -jyldyq 4% ;
tiimdi syiaqy mólsherlemesi jyldyq 7,5% - dan aspaýy tiis.
