Orta jáne uzaq qashyqtyqqa júgirýshi, tórt dúrkin Olimpiada chempiony, alty dúrkin álem chempiony britandyq Mo Farah dopingke qarsy uiymdardan L-karnitin zatyn qoldanǵanyn jasyrǵan. Bul týraly "Ult aqparat" Bi-bi-si agenttigine silteme jasap habarlaidy.
2014 jylǵy London marafony qarsańynda L-karnitin jeńil atlettiń aǵzasyna tórt ret engizilgeni anyqtaldy, alaida bul týraly dopingti baqylaýǵa arnalǵan formada kórsetilmegen.
L-karnitin eger ruqsat etilgen 50 ml mólsherden asqan jaǵdaida doping dep sanalady. Dopingke qarsy uiymdardyń derekteri boiynsha Farahtyń jaǵdaiynda mólsheri aspaǵan, sondyqtan sportshyny tek dopingti baqylaýǵa arnalǵan formada zatty qoldanǵany jóninde kórsetpegeni úshin ǵana aiyptaýǵa bolady.
Al sportshynyń bapkeri Alberto Salazar bul jaǵdai týraly bilgen. Jattyqtyrýshy Salazar sporttan shettetilgen bolatyn.
Mo Farahtyń atalǵan zatty qoldanǵany jaily birneshe jyldan keiin ǵana doping-komissarlarymen bolǵan suhbat kezinde belgili boldy.
Farah áýelide bárin joqqa shyǵardy, biraq keiinirek ol inektsiialar týraly umytyp ketkenin jáne zattyń atyn esine túsire almaǵandyǵyn málim etti.
