Foto: videodan skrinshot
Tanymal abaitanýshy Omar Jáleldiń ekinshi jubaiy «Áńgime bar» podkastynda óziniń burynǵy kúieýine qatysty biraz shyndyqty jariia etti, dep habarlaidy Ult.kz.
Onyń sózinshe, eks-jubaiy bir sátte bailanysyn úzip, eshqandai habar-osharsyz ketken.
«Qańtardyń 31-de nekelestik Omarmen. Tuńǵyshymyz qyrkúiek aiynda týyldy. Meni alǵannan keiin uly úilendi. Ózi de sen qutty kelin bolyp keldiń dep aitady. Birinshi jubaiynan eki uly bar. Meni alǵannan keiin úilendirdi. Men birinshi balamdy kótergende birinshi jubaiymen aramyz jaqsy bolmai júrdi. Balamdy kótergen kúnnen ol kisi qatty qyzǵandy. Ol kisi qatty kúndestik tanyta bastady. «Qaidan keldi sol jaqqa ket, bunyń aiaǵy aýyr emes» dep qujat, qaǵazdar surady. Kúndestiń kúni de kúndes deidi ǵoi. Keiinnen maǵan Omarǵa úshinshi áiel alyp beremin dedi. Al meniń ishtegi balam 6 ailyq. Sodan bosanǵanda balańdy alamyn, brinshi balany báibishege beredi dedi. Men bermeimin balamdy. Ózim Qudaidan jalynyp surap alǵanmyn dedim. Keiinnen úshinshi áieldi alyp keldi. Men oǵan úilengenin 1 aidan keiin bildim. Maǵan Túrkiiańa ket dedi. Qazir múldem habar joq ol kisiden. Balalaryna da kelmeidi. Sotqa berip jatyrmyn. Meniń taǵdyrymmen oinady. Bala týǵyzyp alyp qýyp jiberdi», — dedi ol.
Onyń sózinshe, balalardyń jaǵdaiy da alańdatarlyq. Ana retinde bar jaýapkershilik tek óz moinynda qalǵanyn aitady.
Lázzat Myrzashtyń aitýynsha, Omar Jáleldiń tórt áieli jáne 30-dan astam balasy bar.
«Maǵan seks kerek emes, urpaq kerek» dep ózi aitatyn» – deidi podkast qonaǵy.
Sonymen qatar Lázzat Myrzash Omar Jáleldiń basqa áielderi de sotqa júginýdi oilastyryp júrgenin meńzedi.
