Foto: e-auction.gosreestr.kz
Áigili shveitsariialyq Richard Mille brendiniń 394 million teńgege baǵalanǵan saǵaty aýktsionda satyldy, - dep habarlaidy Tengrinews.kz.
Tómen baǵa boiynsha saýda aýktsiony shilde aiynyń basynda ótti. Almatynyń memlekettik múlik jáne jekeshelendirý departamentiniń málimetinshe, satyp alýshy taýar qunynyń jarty baǵasyn - 196 million 835 myń teńgeni tóleýge daiyn.
"Baǵany kóterý boiynsha saýda aýktsionynda tirkelgen qatysýshylardyń bolmaýyna bailanysty jaramsyz dep tanyldy. Richard Mille Limited Edition Rafael Nadal saǵaty ekinshi aýktsionda baǵany tómendetý arqyly 196 million 835 myń teńgege satyldy", - dedi vedomstvo ókilderi.
Osyǵan deiin aýktsionda baǵa birtindep tómendeitini jáne qunnyń jartysyna deiin jetýi múmkin ekeni habarlanǵan bolatyn. Eń tómengi baǵalaý qunynyń 50 paiyzy mólsherinde belgilendi. 5 paiyzdyq baǵany tómendetý ádisi belgilenbedi.
Eger munda úmitkerler bolmaǵanda, onda múlik saýda uiymdaryna beriletin edi. Olardyń tarapynan smetalyq qunynyń jartysy tólenedi. Onyń 25 paiyzy kepildik retinde, al qalǵany satylǵannan keiin. Osylaisha, memleket tárkilengen dúnie-múliktiń óte arzan baǵamen ketpeýi úshin osyndai sharalar qabyldaidy.
Eske sala keteiik, quny 394 million teńge turatyn Richard Mille saǵatyn satyp alýǵa niet bildirgen memlekettik organdar bolǵan joq. Odan ári saǵat aýktsionda barlyq qyzyǵýshylyq tanytqan qazaqstandyqtarǵa usynyldy, biraq satyp alýshylar bolmady.
Richard Mille brendin álemniń ataqty adamdary taǵady. Onyń ishinde Rafael Nadal, Silvestr Stallone, Djeison Stethem, Djeki Chan, Dreik, Ed Shiran, Ilon Mask, Floid Meivezer, Roberto Manchini, Felipe Massa, Aleksis Pintýro, Kevin Hart, Dmitrii Peskov. Sheshenstan basshysy Ramzan Qadyrovtyń uly, sonymen qatar Katar hanzadalary Djoan ben Hamad pen Halifa bin Hamad.
