Sáýir aiynda qurylǵan "Azamattarǵa arnalǵan úkimet" korporatsiiasyna 376 múmkindigi shekteýli otandasymyz jumysqa turdy.Bul týraly Úkimet otyrysynda Aqparat jáne kommýnikatsiialar ministri Dáýren Abaev aitty, dep habarlaidy Baq.kz tilshisi.
«Azamattarǵa arnalǵan úkimet» korporatsiiasynyń basshylyq quramyn ońtailandyrý nátijesinde 109-dan 52-ge azaidy. Sondai-aq 126 ǵimarat ońtailandyryldy.Qyzmet kórsetý direktsiiasy, Áleýmettik tólemderdi vedomstvoaralyq esepteý ortalyǵy, Jer kadastry jáne jyljymaityn múlikti texnikalyq tekserý direktsiiasy atty úsh bólimshe quryldy. Taǵy bir jaqsy jańalyq, «Azamattarǵa arnalǵan úkimet» korporatsiiasyna 376 múmkindigi shekteýli otandasymyz jumysqa turdy.Al 703 qyzmetkerdi oqyttyq. Bul tájiribe jalǵasa beredi. Jyl saiyn múmkindigi shekteýli 10 adamdy jumysqa alyp otyramyz», - deidi D.Abaev.
Ministrdiń aitýynsha, aldaǵy ýaqytta Shymkent qalasynda Qazaqstan boiynsha 12-shi mamandandyrylǵan xalyqqa qyzmet kórsteý ortalyǵy ashylady. Memlekettik jeke áriptestik úlgisi boiynsha qalǵan oblystarda da mamandandyrylǵan xalyqqa qyzmet kórsteý ortalyǵyn salý qarastyrylýda eken.
«El damýynyń negizgi kórsetkishteriniń biri - halyqqa sapaly qyzmet kórsetý. Qazirgi kúni júrgizilip jatqan ákimshilik reformalardyń da kózdegeni – azamattardyń quqyqtary men múddelerin eskeretin memlekettik basqarýdyń sapaly modelin qurý ekeni belgili. Osyǵan bailanysty bizdiń aldymyzda halyqtyń suranysyna sai memlekettik qyzmet kórsetýdiń tiimdi júiesin qurý mindeti tur. Jyl ótken saiyn memlekettik qyzmetterge suranys arta túsýde. Halyqtyń tarapynan aitylyp jatqan syn men usynystar da bar. Biz osynyń barlyǵyn eskerip, barlyq qyzmetterdi yńǵaily, túsinikti ári jedel kórsetýge kúsh salatyn bolamyz. Aqparat jáne kommýnikatsiialar ministrligi osy mindetti júzege asyrý úshin úlken sharalardy josparlap otyr. Memlekettik qyzmetterdi ońtailandyrý men avtomattandyrý, ony halyqqa barynsha qoljetimdi etý jumystaryn jalǵastyra beremiz»,- dedi ministr.
.jpeg)