Foto:facebook.com/saintdid
"Ádildik joly" respýblikalyq qoǵamdyq birlestiginiń direktory Jetisý oblysy, Qaratal aýdany, Úshtóbe qalasyndaǵy kóshelerdiń birindegi jóndeý jumystarynyń sýretterin bólisti, - dep habarlaidy Tengrinews.kz.
Didar Smaǵulovtyń Facebook-paraqshasynda jariialaǵan jazbasyna sáikes, Úshtóbe qalasynda 350 metrlik joldy jóndeýge biýdjetten 21 million teńge bólingen. Onyń ústine, kósheniń qazirgi jaǵdaiy syn kótermeidi.
"Eski asfalt tolyǵymen súrilgen, biraq jańasyn tósemepti, osylai da bolady degen siiaqty. Bul "jumys" úshin 21 million 333 myń 527 teńge tólenbese, kúlkili bolar edi. Jergilikti Antikor asfalttyń bar-joǵyn anyqtaý úshin Memlekettik aýdit basqarmasyna hatymyzdy jiberdi", - dep jazady "Ádildik joly" jetekshisi.
Qaratal aýdany ákimdigi Amangeldi kóshesin jóndeý jumystary 2020 jyly júrgizilgenin habarlady. Alaida merdigerdiń salǵyrttyǵynan qazir sot protsesi júrip jatyr.
"2020 jyly Úshtóbe qalasyndaǵy Amangeldi kóshesine 21,3 million teńgege "Taǵan" JShS ortasha jóndeý jumystaryn júrgizse, 2021 jyly osy kósheniń boiynda asfalt jabynynyń buzylýyna jáne shuńqyrlardyń paida bolýyna bailanysty merdiger mindettemelerin oryndamaǵany týraly talap-aryz berdi. Sot sheshimi 2022 jyldyń 28 qańtarynda shyqty. Búginde sot sheshimin oryndaý jeke sot oryndaýshylary qolynda. Bul másele aýdan basshylyǵynyń turaqty baqylaýynda", - dedi ákimdiktegiler.
