8 naýryz Halyqaralyq áielder kúnine orai elordada 34 myńǵa jýyq kópbalaly analar birjolǵy áleýmettik tólem alady, dep habarlaidy "Ult aqparat" Astana ákimdiginiń resmi saityna silteme jasap.
"Astana qalasynyń Jumyspen qamtý jáne áleýmettik qorǵaý basqarmasy 2023 jylǵy 3 qazandaǵy № 84/10-VIII jergilikti biýdjetten Astana qalasynyń Maslihatymen bekitilgen Astana qalasynda áleýmettik kómek kórsetýdiń, onyń mólsherlerin belgileýdiń jáne muqtaj azamattardyń jekelegen sanattarynyń tizbesin aiqyndaý qaǵidasyna sáikes, 8 naýryz Halyqaralyq áielder kúnine orai Astana qalasynyń kóp balaly otbasylaryna, kóp balaly analarǵa, onyń ishinde az qamtylǵan analar bolyp tabylatyn 34 myńǵa jýyq azamatshaǵa 2,5 AEK (9230 teńge) mólsherinde birjolǵy áleýmettik kómek tólenedi", - delingen habarlamada.
Tólem «Azamattarǵa arnalǵan úkimet» memlekettik korporatsiiasy» Kommertsiialyq emes aktsionerlik qoǵamynyń Áleýmettik tólemder ortalyǵynyń tizimderi negizinde Astanada tirkelgen jáne turaqty turatyn kóp balaly otbasylarǵa, kóp balaly analarǵa, onyń ishinde az qamtylǵan analarǵa júrgiziledi.
