31 tamyzdan bastap QMDB-ǵa qarasty elimizdegi birqatar meshitter jekelegen namaz ben qulshylyqtar úshin, sanitarlyq talaptardy saqtai otyryp ashylady, dep habarlaidy "Ult aqparat" muftyat.kz-ke silteme jasap.
Premer-ministrdiń orynbasary Eraly Toǵjanovtyń tóraǵalyǵymen ótken Vedomstvoaralyq komissiia otyrysynda shektaý sharalaryn jeńildetýdiń ekinshi kezeńi maquldandy.
«Barlyq nysandarǵa tiisti daiyndyq aktilerin alǵannan keiin ǵana jumysqa kirisýge ruqsat beriledi. Óńirlerdiń ákimdikteri Densaýlyq saqtaý ministrligi, «Atameken» UKP-men birlesip, qoǵam belsendilerin tarta otyryp, engiziletin nysandardyń barlyq sanitarlyq talaptardy qatań saqtaýyn qamtamasyz etýi qajet» dep atap ótti Eraly Toǵjanov.
Aita keteiik, eki apta buryn Qazaqstan musylmandary dini basqarmasy osy máselege bailanysty quzyretti mekemelerge karantin talaptaryn saqtai otyryp, meshitterdi qaita ashý týraly usynys bergen bolatyn.
