31 تامىزدان باستاپ قمدب-عا قاراستى ەلٸمٸزدەگٸ بٸرقاتار مەشٸتتەر جەكەلەگەن ناماز بەن قۇلشىلىقتار ٷشٸن, سانيتارلىق تالاپتاردى ساقتاي وتىرىپ اشىلادى, دەپ حابارلايدى "ۇلت اقپارات" muftyat.kz-كە سٸلتەمە جاساپ.
پرەمەر-مينيستردٸڭ ورىنباسارى ەرالى توعجانوۆتىڭ تٶراعالىعىمەن ٶتكەن ۆەدومستۆوارالىق كوميسسييا وتىرىسىندا شەكتاۋ شارالارىن جەڭٸلدەتۋدٸڭ ەكٸنشٸ كەزەڭٸ ماقۇلداندى.
«بارلىق نىساندارعا تيٸستٸ دايىندىق اكتٸلەرٸن العاننان كەيٸن عانا جۇمىسقا كٸرٸسۋگە رۇقسات بەرٸلەدٸ. ٶڭٸرلەردٸڭ ەكٸمدٸكتەرٸ دەنساۋلىق ساقتاۋ مينيسترلٸگٸ, «اتامەكەن» ۇكپ-مەن بٸرلەسٸپ, قوعام بەلسەندٸلەرٸن تارتا وتىرىپ, ەنگٸزٸلەتٸن نىسانداردىڭ بارلىق سانيتارلىق تالاپتاردى قاتاڭ ساقتاۋىن قامتاماسىز ەتۋٸ قاجەت» دەپ اتاپ ٶتتٸ ەرالى توعجانوۆ.
ايتا كەتەيٸك, ەكٸ اپتا بۇرىن قازاقستان مۇسىلماندارى دٸني باسقارماسى وسى مەسەلەگە بايلانىستى قۇزىرەتتٸ مەكەمەلەرگە كارانتين تالاپتارىن ساقتاي وتىرىپ, مەشٸتتەردٸ قايتا اشۋ تۋرالى ۇسىنىس بەرگەن بولاتىن.
