Qazaqstan Ulttyq banki 2021 jyldyń 31 naýryzynan bastap «Dala qazynasy» seriiasynan «JETI QAZYNA» kollektsiialyq monetalarynyń satylymǵa shyǵatynyn habarlaidy.
Monetalardy satý áleýmettik qashyqtyq pen epidemiologiialyq sharalardy saqtai otyryp Ulttyq Banktiń aýmaqtyq filialdary arqyly júzege asyrylady.
«JETI QAZYNA» monetalary:
1) «proof» sapasymen synamasy 999/1000 altynnan, nominaly 500 teńgelik, massasy 7,78 gramm, diametri 25 mm, taralymy 1000 dana;
2) «proof» sapasymen synamasy 925/1000 kúmisten, nominaly 5000 teńgelik, massasy 777,5 gramm, diametri 100 mm, taralymy 250 dana;
3) «proof» sapasymen synamasy 925/1000 kúmisten, nominaly 500 teńgelik, massasy 31,1 gramm, diametri 38,61 mm, taralymy 3 000 dana;
4) «rroof-like» sapasymen MN 25 melhior qospasynan, nominaly 200 teńgelik, massasy 15 gramm, diametri 33 mm, taralymy 25 000 dana;
5) «brilliant uncirculated» sapasymen nibrass/neizilber qospasynan, nominaly
100 teńgelik, massasy 6,45 gramm, diametri 24,5 mm, ár túrinen 25 000 dana, jalpy taralymy 175 000 dana daiyndaldy.
Altyn men kúmisten daiyndalǵan monetalar kádesyilyq oramda shyǵarylady jáne memlekettik tilde, orys jáne aǵylshyn tilderinde Qazaqstan Respýblikasy Ulttyq Bankiniń nómirlik sapa sertifikatymen jabdyqtalǵan. «Rroof-like» sapasymen melhior qospasynan jáne «brilliant uncirculated» sapasymen nibrass/neizilber qospasynan daiyndalǵan monetalar blisterlik jiyntyqta shyǵarylady.
Bul monetalar tólemniń barlyq túri boiynsha Qazaqstan Respýblikasynyń búkil aýmaǵynda olardyń belgilengen qunymen qabyldanýǵa, sondai-aq Qazaqstan Respýblikasynyń barlyq bankinde bank shottaryna esepke alynýǵa jáne aýdarylýǵa, usaqtalýǵa jáne aiyrbastalýǵa mindetti.
Kollektsiialyq jáne bikolorly ainalystaǵy monetalar Qazaqstan teńge saraiynda daiyndalǵan.
