Foto: QazAvtoJol
«Qalbataý – Maiqapshaǵai» avtojolynyń negizgi jumystary aiaqtalyp, tolyq qozǵalys ashyldy, dep habarlaidy Ult.kz.
Memleket basshysy Qasym-Jomart Toqaevtyń tapsyrmasyn oryndaý maqsatynda «QazAvtoJol» ulttyq kompaniiasy respýblikalyq mańyzy bar «Qalbataý – Maiqapshaǵai» (906-1321 shaqyrym) avtomobil jolyn qaita jańartý boiynsha negizgi qurylys jumystaryn aiaqtap, uzyndyǵy 415 shaqyrymdy quraityn ýchaskede kólik qozǵalysyn tolyq ashty.
Parlament Májilisiniń depýtaty Nurtai Sabilianov elimizdiń shyǵysyndaǵy mańyzdy kólik dálizi — «Qalbataý – Maiqapshaǵai» respýblikalyq mańyzy bar avtomobil jolynyń paidalanýǵa berilýimen el azamattaryn quttyqtady.
Depýtattyń aitýynsha, bul — Memleket basshysy Qasym-Jomart Toqaevtyń respýblikalyq joldardy jańartý jónindegi tapsyrmalarynyń naqty nátijesi. Osy baǵytta Úkimet, Parlament jáne jergilikti atqarýshy organdar birlese otyryp júieli jumys júrgizdi.
«Bul jol — birneshe ret Parlament qabyrǵasynda kóterilgen ózekti másele bolatyn. 2023 jyly depýtattyq mandatymdy alǵannan keiingi alǵashqy saýalym dál osy «Qalbataý – Maiqapshaǵai» avtojolyn jóndeýge arnaldy. Búgin sol eńbektiń jemisin kórýdemiz», — dedi Nurtai Sabilianov.
Onyń sózinshe, jańa jol eldiń shyǵysyn kórshiles memlekettermen bailanystyryp, óńirdiń ekonomikalyq áleýetin arttyrýǵa zor múmkindik beredi.
