Elordada 30 naýryz saǵat 00:00-den bastap, 6 sáýir saǵat 00:00-ge deiin azyq-túlik, meditsinalyq saýda logistikalyq ortalyqtary, azyq-túlik satatyn saýda nysandary, azyq-túlik taýarlary distribiýtorlary, qalanyń tirshilik áreketin qamtamasyz etetin uiymdardan basqa (kommýnaldyq, bailanys qyzmetteri) qaladaǵy barlyq kásiporyndar jumysyn toqtatady.
Al jumys isteýine shekteý qoiylmaǵan kásiporyndar kelesi talaptardy saqtaýy tiis:
1. Ár saǵat saiyn dezinfektsiia júrgizý jáne sanitarlyq sharalardy kúsheitý(kireberiske qyzmetkerlerge arnalǵan sanitaizer ornatý, arasy 2m kem emes qashyqtyqta jumys oryndaryn qamtamasyz etý);
2. Jumysqa meilinshe az qyzmetkerlerdi tartý;
3. Kásiporyn qyzmetkerlerine sanitarlyq sharalar saqtalǵan ortalyqtandyrylǵan jetkizý-tasymaldaýdy uiymdastyrý. Jumys isteýge ruqsat etilgen qyzmet túrleri tizimine enbegen barlyq uiymdar men kásiporyndar kúndelikti jumys rejimin ýaqytsha toqtatýy tiis, olar jumystaryn qashyqtyqtan onlain rejimde atqara alady. Ruqsat etilgen qyzmet túrleriniń tizimi:
1) densaýlyq saqtaý júiesi:
-aýrýhanalar;
-dárihanalar;
-zerthanalyq qyzmetter;
-veterinarlyq jáne mal sharýashylyǵynyń jedel járdem qyzmeti;
-shuǵyl stomatologiialyq qyzmet úshin stomatologiia qyzmeti;
2) qalalyq infraqurylym men kommýnaldyq qyzmetter:
-elektoenergetikalyq kompaniialar;
-sý jáne jylýmen qamtamasyz etýshi kompaniialar;
-órtke qarsy jáne apattyq qutqarý qyzmeti;
-turǵyn úi qoryn basqarý salasyndaǵy qyzmetter (elektrik, santehnik, aýla jáne úi-jailardy tazalaý, jedelsaty qyzmetin qosqanda avariialyq qyzmet);
-kósheler men úi-jailardy tazalaý;
-qaldyqtar men qoqystardy jinaý, óńdeý jáne joiý;
-zalalsyzdandyrý;
-jol qozǵalysyn qadaǵalaýdaǵy tehnikalyq tetikterdiń qyzmetin qamtamasyz etetin uiymdar;
-telekommýnikatsiia jáne bailanys;
-mamandandyrylǵan kólik quraldary men taksi qyzmeti;
-poshta, kýrer qyzmeti;
-Nur-Sultan qalasy boiynsha «Azamattarǵa arnalǵan úkimet» Memlekettik korporatsiiasy« UAQ, «Qalalyq baqylaý jáne jedel áreket etý ortalyǵy« ShJQ MQK filialdarynyń bailanys ortalyqtary;
3) Jumys rejimin qurylys aýmaǵynan shyqpai isteýge múmkindik beretin, qurylys aýmaǵynda jumysshylarǵa arnalǵan jataqhanasy bar qurylys kompaniialarynyń qyzmeti;
4) azyq-túlik pen eń qajetti taýarlar satatyn saýda jelileri, sýpermarketter, azyq-túlik dúkenderi men azyq-túlik bazarlary (jumys ýaqyty 10:00-nan 20:00-ǵa deiin belgilengen kópqabatty úilerde ornalasqan azyq-túlik dúkenderin qospaǵanda, iri jáne orta saýda nysandary qyzmetkerleriniń ortalyqtandyrylǵan barys-kelisi men sanitarlyq normalardyń kúsheitilýin qamtamasyz etken jaǵdaida shtattyq rejimde jumys isteýin jalǵastyrady);
5) óńdeý ónerkásibi (azyq-túlik ónimderine arnalǵan orama, sýsyn óndirisin qosqanda azyq-túlik ónerkásip kásiporyndary, himiialyq jáne meditsinalyq ónerkásip (himreagentter, dáriler, meditsinalyq qural-saimandar));
6) Kúzet uiymdary men kásiporyndardyń menshikti kúzet qyzmeti; 7) Avtokólikterge janarmai jáne gaz quiý stantsiialary;
8) Ózge de mańyzdy qyzmetter: -azyq-túlik, dári-dármek pen meditsinalyq buiymdar, sondai-aq asa qajet taýarlardy jetkizý qyzmeti (jumys ýaqytyn anyqtaý jáne tasymaldaýshylar úshin qala ishinde júrip-turýǵa saǵat 9:00-dan 20:00-ge deiin ruqsat etý).
-nysan aýmaǵynan shyqpai jumys rejimin qamtamasyz etetin qonaq úiler men hostelder;
- qyzmetkerlerine ortalyqtandyrylǵan barys-kelis pen sanitarlyq normalardyń kúsheitilýin qamtamasyz etken saýda-logistikalyq ortalyqtar, qoimalar, azyq-túlikti ónimderiniń, dári ónimderi men meditsinalyq buiymdardyń distribýtsiiasy;
-bank qyzmeti (karantin kezinde inkassatorlarǵa qala ishinde júrip-turýǵa ruqsat etý, jumys ýaqyty 10:00-den 16:00-ge deiin shektelgen bas keńseniń jumysyn qospaǵanda, barlyq ekinshi deńgeili bank bólimsheleri men filialdaryn jabý).
9) Birinshi basshylarynyń sheshimi boiynsha memlekettik basqarýdyń úzdiksiz qyzmetin qamtamasyz etetin memlekettik organdar men olardyń vedomstvoǵa qarasty uiymdary. Qala ishinde adamdar nemese adamdary bar kólikter júrip-turǵan jaǵdaida ózderimen birge ruqsat etilgen uiymdarda jumys isteitinin rastaityn qujattary - jumys berýshiniń móri basylǵan anyqtama, kólikter úshin baratyn jeri kórsetilgen (jetkizý meken-jaiy) jol paraǵy bolýy tiis. Kórsetilgen qujattarsyz adamdar men kólikterdiń qozǵalysyna ruqsat etilmeidi.
