Mańǵystaý oblysynda koronavirýs infektsiiasynyń taralýynyń aldyn alý maqsatynda 30 naýryzdan bastap birqatar shekteý sharasy engizildi, dep habarlaidy "Ult aqparat".
Oblystyń bas sanitarlyq dárigeri Erǵali Sadymanovtyń qaýlysymen Politsiia departamentine kelesi sharalardy qolǵa alý tapsyryldy:
- engizilgen shekteýlerdiń saqtalýyn qadaǵalaý boiynsha patrýldeýdi uiymdastyrý jáne azamattardyń qoǵamdyq oryndarda júrýin boldyrmaý.
- karantindik aimaqtyń tolyqtai qorshalýyn qamtamasyz etý. Aqtaý aýmaǵyna jaiaý kirý múmkindigin kesý.
- karantindegi tulǵalardy talaptardy buzǵany úshin jaýapkershilikke tartý.
- qoǵamdyq aýmaqtardy baqylaý, aýmaqtardyń jaryqtandyrylýyn jáne beinebaqylaýmen qamtamasyz etilý sharalaryn kúsheitý;
- politsiianyń barlyq jeke quramyn jumyldyrý, qajet bolǵan jaǵdaida ózge qurylymdardyń kúshin bólý.
- tótenshe jaǵdai kezinde qylmyspen kúrestiń jáne sot ádildigin júrgizýdiń, zańdylyqty, quqyqtyq tártipti qamtamasyz etý jónindegi is-qimyl algoritmin daiarlaý.
- arandatý aqparattaryn jáne qaýesetterdiń jolyn kesý jónindegi jumysty erekshe baqylaýǵa alý. Osyndai málimetterdi taratýdyń kez kelgen túrin qatań tyiyp, avtorlaryn anyqtap, jazalaý.
Sonymen qatar saǵat 19.00-den 08.00-ge deiin qoǵamdyq kóliktiń qozǵalysyna shekteý qoiylady.
Budan bólek,
- turǵyndardyń óz pátelerinen shyǵýyna (tek erekshe qajettilik bolǵanda ǵana - dúkenge, dárihanaǵa, qoqys tógýge jáne jumysqa barýǵa ruqsat etiledi);
- kórshilerdiń, týystardyń, áriptester jáne taǵy basqalardyń bir-birine barýyna:
- azamattardyń saiabaqtar, alańdar, balalar jáne sport alańdaryna barýyna;
- áýejai, temirjol, avtovokzaldarǵa shyǵaryp salýshylar men kútip alýshylardyń kirýine;
- internet jáne oiyn klýbtarynyń ózge de halyqqa qyzmet kórsetetin oryndardyń jumysyna shekteý engiziledi.
Sonymen qatar,
- Aqtaý-Jańaózen-Aqtaý, Aqtaý-Tushyqudyq-Shebir-Aqtaý, Aqtaý-Aqshuqyr-Aqtaý, Aqtaý-S.Shapaǵatov-Aqtaý, Shetpe-Jańaózen-Shetpe, Beineý-Atyraý-Beineý, Boranqul-Qulsary-Boranqul baǵyttaryndaǵy qalaaralyq avtobýstardyń;
- 657/658 «Mańǵystaý-Beineý» baǵytyndaǵy poiyzdyń qozǵalysyna shekteý qoiyldy.
