Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Dáriger uzaq ómir súrýdiń el bilmeitin taǵy bir qupiiasyn ashty Dáriger uzaq ómir súrýdiń el bilmeitin taǵy bir qupiiasyn ashty
Ekonomika jáne biznes

30 qyrkúiekten bastap Qazaqstanda qandai nómirli kólikterge tyiym salynady?

Ult portaly
30 qyrkúiekten bastap Qazaqstanda qandai nómirli kólikterge tyiym salynady?


Salyq organdary 30 qyrkúiekke deiin elden shyǵarylýy tiis sheteldik avtokólikter boiynsha túsinikteme berdi, - dep habarlaidy Tengrinews.kz.

Memlekettik kirister komiteti derekteri boiynsha, bul talap Eýraziialyq ekonomikalyq odaq elderinde esepte turǵan kólikterge qatysty emes. Sondyqtan reseilik, qyrǵyz, armian jáne Belorýs nómiri bar júrgizýshiler kóligin Qazaqstanda odan ári minip júre alady.

"Qazaqstanda bir jyldan asa ýaqyt bolǵan basqa da sheteldik avtokólikter elimizdiń aýmaǵynan ǵana emes, Resei, Qyrǵyzstan, Armeniia jáne Belarýsten de shyǵarylýy tiis. Sebebi, bul elder EAEO aiasynda Keden kodeksin bekitti. Ol boiynsha, basqa elderden kelgen kólik kedendik bajdardy tólemei, EAEO aýmaǵynda bir jyl ǵana ýaqytsha bola alady. Budan ári kólik odaqtyń bólinisi úshin áketilýi tiis ne oǵan kedendik baj tólenýi tiis.

Alaida pandemiiaǵa bailanysty búkil álemde shekteý sharalary engizilip, shekaradan erkin ótý múmkin bolmady. Sondyqtan sheteldik kólikterdiń bir jyldyq merzimi uzartyldy. Alaida Eýraziialyq ekonomikalyq komissiia keńesi azamattarǵa aiyppuldary joq, merzimi ótip ketken ýaqytsha ákelingen avtomobilderdi 2021 jylǵy 30 qyrkúiekke deiin shyǵarýǵa múmkindik berdi", - dep túsindirdi salyq qyzmetkerleri.

Sheteldik kólikterdi áketý týraly talap EAEO elderiniń búkil aýmaǵyna - Reseige, Qyrǵyzstanǵa, Armeniiaǵa jáne Belarýske qatysty.

"Qazirgi ýaqytta shetel azamattary kólik aparý úshin shekaradan óte alady. Sondai-aq, eger olar óz betinshe eksporttai almasa, tasymaldaýshylar kómegine júgine alady", - dep tolyqtyrdy MKK ókili.

30 qyrkúiekten keiin salyq qyzmetkerleri jol politsiiasymen birge ýaqytsha ákelý kúnderin keshiktirgen kólikterdi izdei bastaidy. Zańbuzýshylyq anyqtalǵan jaǵdaida kólik quraly aiyppul turaǵyna jiberiledi. Budan ári Qazaqstanda avtokólikti ýaqytsha paidalanǵan "iesine" qatysty qajetti sharalar qabyldanady.

"Ýaqytsha ákelý merzimi aiaqtalǵannan keiin Qazaqstanda mundai kóliktiń "iesi" kedendik tólemderdi tóleýge tiis. Olar Memlekettik kirister qyzmetkerlerimen esepteledi.

Azamattar senimhat boiynsha EAEO aýmaǵynda Belarýs jáne Resei esebimen júrip-tura alady. Mundai kólikterge ýaqytsha ákelý merzimderi qoldanylmaidy. Al Armeniia men Qyrǵyzstannan keletin kólik quraldary sheteldik kólik quraldaryna jatpaidy", - dep eske saldy vedomstvo ókili.

Sonymen qatar, IIM Qazaqstanǵa ýaqytsha ákelingen avtokólikterdi shyǵarý boiynsha talapty túsindirdi. Vedomstvo málimetinshe, 30 qyrkúiekke deiingi merzim EAEO-ǵa kirmeitin elderden kólik ákelgen sheteldik azamattar úshin belgilengen.

"Bul norma EAEO-ǵa kirmeitin elderden shetel azamattary ákelgen avtomobilderge ǵana qatysty. Kedendik zańnamaǵa sáikes sheteldik azamattar kedendik bajdardy tólemei, Qazaqstanǵa jáne EAEO-nyń basqa elderine EAEO-ǵa kirmeitin basqa elderde tirkelgen kólikterdi ýaqytsha ákele alady. Iaǵni, bul Resei, Qyrǵyzstan, Armeniia jáne Belarýsten emes, úshinshi elderden ákelingen kólikter.

2020 jyly jáne  biyl koronavirýstyń taralýyna bailanysty elder arasyndaǵy shekaralar jabylǵanyn eskere otyryp, sheteldik azamattar ýaqytsha ákelingen kólikterdi EAEO aýmaǵynan shyǵara almady. Osyǵan bailanysty EAEO aýmaǵynda sheteldik avtokóliktiń bolý merzimi 2021 jylǵy 30 qyrkúiekke deiin uzartyldy", - dep túsindirdi IIM Ákimshilik politsiia komiteti tóraǵasynyń orynbasary Serik Túsipov.

Sońǵy málimetter boiynsha, Qazaqstanda EAEO-ǵa kirmeitin elderden ákelgen úsh myńǵa jýyq sheteldik kólik bar, olar Qazaqstanda bolý merzimi aiaqtalǵannan keiin elden tys jerlerge áketilýi tiis.

Oqi otyryńyz