Ishki ister ministrligi qarjy piramidalaryna qatysty 65 qylmystyq istiń ishki ister organdary tergelip jatqanyn, olardan úsh myńnan astam qazaqstandyq zardap shekkenin málimdedi, - dep habarlaidy Tengrinews.kz.
Ishki ister ministrligi Tergeý basqarmasynyń bastyǵy Sanjar Ádilov elimizde qylmystyń bul túri jyl saiyn azaiyp kele jatqanyn aitty.
"Búginde ishki ister organdarynda osy sanattaǵy 65 qylmystyq is bar, olardan 3 myńnan asa adam zardap shekken. Qabyldanǵan sharalar nátijesinde, onyń ishinde saittardy buǵattaý, uiymdastyrýshylardy, filialdardy, qurylymdyq bólimshelerdi anyqtaý boiynsha 180-nen astam qarjylyq investitsiialyq kompaniialar men firmalardyń qyzmeti toqtatyldy. 2021 jáne 2022 jyldary 138 adam qylmystyq jaýapkershilikke tartyldy, olardyń 50 sottaldy, qalǵandaryna qatysty sot talqylaýy júrip jatyr", - dedi Ádilov OKQ brifinginde.
Sotqa deiingi tergep-tekserý barysynda jalpy somasy úsh milliard bolatyn jyljymaly jáne jyljymaityn múlikke, jeke úilerge, páterlerge, jer telimderine, kólikterge, jeke shotqa buǵat qoiyldy.
Ishki ister ministrliginiń málimetinshe, qarjylyq piramidalardyń jetekshileri nemese uiymdastyrýshylarynyń kóbi shetelde nemese sheteldikter.
"Osyǵan bailanysty biz halyqaralyq bailanys arnalary arqyly konventsiialarda kózdelgen tártipter sheńberinde kúdiktilerdiń turǵan jerin anyqtaimyz, olardyń aktivteri men sheteldegi shottarynyń, qylmystyq áreketter jasaý nátijesinde satyp alynǵan jyljymaly jáne jyljymaityn múlkiniń bar-joǵy tekseriledi.
Mysal retinde men TeleTrade D. J. Limited basshylyǵyna qatysty qylmystyq isti keltiremin, onda basqa memleketterdiń - Armeniia, Latviia, Litva, Resei jáne basqalardyń sheteldik bankterindegi tergeý aiasynda osy kompaniianyń aqsha qarajaty bar banktik shottarynyń bolýy anyqtaldy - 700 myń dollardan astam jáne 130 myń eýro. Sondai-aq, Túrkiiadaǵy qonaqúi jáne úsh páter túrindegi aktivter belgilendi. Is sotqa jiberildi", - dedi Ádilov.
