Álemniń baiyrǵy turǵyndarynyń halyqaralyq kúninde BUU adam quqyqtary jónindegi sarapshylary bolashaq urpaq úshin tilderdi saqtaýǵa shaqyrdy, dep habarlaidy "Ult aqparat".
BUU saitynda habarlanǵandai, sarapshylar tilderdiń 40 paiyzy joiylý aldynda tur, iaǵni – 2 800 til.
Álemniń baiyrǵy turǵyndarynyń 7 myń tili bar. Olardyń keibirinde tek birneshe adam ǵana sóileidi, biraq BUU árbir til dástúr men mádenietti saqtap otyrǵanyn atap ótti. Álemniń baiyrǵy turǵyndarynyń tilderi mádeniet pen saiasi ózin-ózi anyqtaýda mańyzdy ról oinaidy.
«Til – artyqshylyq emes, quqyq», - deidi BUU adam quqyqtarynyń túrli aspektileri jónindegi sarapshylar.
Olar osy onjyldyqtyń "Álemniń baiyrǵy turǵyndary tilderiniń onjyldyǵy" dep jariialanǵanyn eske salyp, «10 jyldyń ishinde osy tilderge keltirilgen tarihi zalaldardyń saldaryn joiyp, olardy bolashaq urpaq úshin saqtaýǵa bolady» dep esepteidi.
