3 myń qazaqstandyq erikti COVID-19 indetine qarsy ázirlengen otandyq vaktsinany synamaq. Bul týraly QR Bilim jáne ǵylym ministrligi Ǵylym komiteti Biologiialyq qaýipsizdik problemalary ǵylymi-zertteý institýtynyń bas direktory Kúnsulý Zakaria málim etti, dep habarlaidy QazAqparat.
«Qazirgi málimetter boiynsha COVID-19 indetine qarsy ázirlengen otandyq vaktsina (QazCovid-in) sheteldik mamandar ázirlegen vaktsinadan kem túspeidi. Aldaǵy 29 qarashada klinikalyq zertteýdiń 2-shi kezeńi aiaqtalady. Zertteý 200 erikti adamǵa júrgizilip jatyr. Jeltoqsan aiynda elimiz boiynsha taǵy 3 myń eriktige klinikalyq zertteý júrgizýdi josparlap otyrmyz. Odan bólek, elimizde koronavirýs indetine qarsy taǵy da basqa vaktsina ázirleý jariialandy. Biraq oǵan bizdiń qatysymyz joq. Bizdegi málimetter boiynsha ol vaktsina sheteldik mamandardyń qatysýymen ázirlenýde. Sondyqtanda ony 100 paiyz otandyq vaktsina deý qiynǵa soǵady», - dedi K. Zakaria QR Bilim jáne ǵylym ministrligi Ǵylymi komitetiniń «GYLYM TALKS» atty onlain jobasynda.
