5 jylda 977 myń otbasyǵa 103 mln sharshy metr úi salynady. Bul týraly Májiliste «Nur Otan» partiiasynyń sailaý aldyndaǵy mindettemelerin iske asyrýǵa arnalǵan talqylaý kezinde Premer-Ministr Asqar Mamin málim etti, dep habarlaidy QazAqparat.
«Nur Otan partiiasynyń lideri - Elbasy Nursultan Ábishuly Nazarbaev jáne Memleket basshysy Qasym-Jomart Kemeluly Toqaev «Ózgerister joly: Ár azamatqa laiyqty ómir!» sailaýaldy baǵdarlamasyn sapaly jáne tiimdi iske asyrýdy tapsyrdy. Búgin, Úkimet Nur Otan partiiasynyń Parlament Májilisindegi fraktsiiasynyń aldynda sailaýaldy baǵdarlamany júzege asyrý boiynsha tiisti Jol kartasynyń jobasyn usynyp otyr», - dedi Mamin.
Jol kartasy Sailaýaldy baǵdarlamasynyń tórt baǵyty boiynsha 362 is-sharadan turady:
- birinshi - «Barshaǵa teń múmkindik»;
- ekinshi - «Ziiatker, salamatty jáne yjdaǵatty ult;
- úshinshi - «Ekonomika men óńirlerdiń turaqty damýy» jáne tórtinshi - «Halyqqa esep beretin memleket jáne jaýapty azamattar».
«Baǵdarlamanyń «Barshaǵa teń múmkindik» birinshi baǵyty boiynsha mindetterdi sheshý úshin árbir azamattyń áleýetin iske asyrý úshin teń múmkindikter jasaýǵa baǵyttalǵan 99 is-sharany oryndaý kózdeledi. Qazaqstandyq otbasylardy qoldaý jáne nyǵaitý boiynsha júieli sharalar iske asyrylady. 5 jylda 977 myń otbasyǵa 103 mln sharshy metr úi salynady, onyń ishinde 284 myń páter jeńildikti áleýmettik turǵyn úi retinde beriledi», - dedi Úkimet basshysy.
Onyń aitýynsha, 3 trln teńgeden astam qarajat, infliatsiia deńgeiin eskerip, áleýmettik tólemderdi indeksteýge jumsalady. Áleýmettik salanyń máselelerin júielendirý maqsatynda 2021 jyly Áleýmettik kodeks ázirlenip, 2023 jyly qabyldanady.
