27 qańtarda «Nur Otan» partiiasy saiasi keńesiniń otyrysyn ótkizý týraly sheshim qabyldandy. Bul týraly partiia tóraǵasynyń birinshi orynbasary Baýyrjan Baibek habarlady.
«Nur Otan» Saiasi keńesi Biýrosynyń qaýlysymen (Jarǵynyń 9.5. tarmaǵyna sáikes) 27 qańtarda partiianyń Saiasi keńesiniń otyrysyn ótkizý týraly sheshim qabyldandy», - dep jazdy Baýyrjan Baibek Twitter-de.
Aita keteiik, buǵan deiin «Nur Otan» partiiasynyń kezekten tys XXI sezi 28 qańtarda ótetini habarlanǵan edi.
Eske salsaq, byltyr qarasha aiynyń sońynda Elbasy Nursultan Nazarbaev Nur Otan partiiasynyń tóraǵasy ókilettigin Prezident Qasym-Jomart Toqaevqa tapsyratynyn málimdedi.
Partiia jarǵysyna sáikes, tóraǵany sailaý jáne qyzmetinen bosatý Nur Otan partiiasy seziniń erekshe quzyretine kiredi.
