Búgin, 24 mamyrda esimi álemge tanylǵan ánshi, Qazaqstannyń eńbek sińirgen qairatkeri Dimash Qudaibergen 27 jasqa toldy, dep habarlaidy "Ult aqparat".
Týǵan kún merekesine orai Dimashtyń YouTube-tegi arnasynda onyń sábi kezindegi sirek kezdesetin videolar jariialandy.
Dinmuhammed Qanatuly Qudaibergenov 1994 jyly 24 mamyrda Aqtóbede dúniege keldi. 2019 jyldyń jeltoqsanynda oǵan «Qazaqstannyń eńbek sińirgen qairatkeri» ataǵy berildi.
Ata-anasy – ánshi Sveta jáne Qanat Aitbaevtar. Kishkentai Dimash ata-ájesiniń tárbiesinde bolǵan. Bala kezden sahnada án aityp, fortepianoda oinap, ártúrli baiqaýǵa qatysqan.
Jas ánshi alty oktavany qamti alatyn vokaldyq keń diapazonymen erekshelenedi.
2015 jyly ol Vitebskte ótken «Slavian bazary» halyqaralyq baiqaýynda bas júldeni ielendi.
Dál osy jyly «Jyl adamy» jalpyulttyq baǵdarlamasy aiasynda «Jyl ánshisi» atandy.
2016 jyly «Umytylmas kún» týrnesin ótkizdi. Alǵashqy týrnesin Qazaqstan Táýelsizdiginiń 25 jyldyǵyna arnap, elimizdiń 25 aimaǵynda 25 kontsert berdi.
2017 jyly Dimash «Hunan TV» qytai telearnasynda ótken «I am Singer» vokaldyq baiqaýynyń besinshi kezeńine qatysyp, ekinshi oryn aldy. Bul konkýrs oǵan álemdik deńgeidegi tanymaldylyq alyp keldi.
Nur-Sultan qalasynda ótken EHRO-2017 Halyqaralyq kórmesi aiasynda alǵash ret aýqymy keń jeke kontsertin ótkizdi. «Bastau» dep atalatyn kontsertine qazaqstandyq jáne sheteldik kórermen jinaldy.
2019 jyldyń maýsymynda D.Qudaibergen elordada «Arnaý» atty jeke kontsertin ótkizdi. Oǵan 64 memleketten jankúierler keldi.
Osy jyldyń jeltoqsanynda Qazaqstannyń AQSh-taǵy mádeniet kúnderi aiasynda jáne QR Mádeniet jáne sport ministrliginiń qoldaýymen Niý-Iorkte Dimashtyń kontserti anshlagpen ótti.
Ánshi 2020 jyldyń 16 aqpany men 4 sáýiri aralyǵynda Eýropa elderi boiynsha týrne ótkizýdi josparlaǵan bolatyn. Alaida koronavirýs pandemiiasyna bailanysty onyń jekelegeni keiinge qaldyryldy.
