بٷگٸن, 24 مامىردا ەسٸمٸ ەلەمگە تانىلعان ەنشٸ, قازاقستاننىڭ ەڭبەك سٸڭٸرگەن قايراتكەرٸ ديماش قۇدايبەرگەن 27 جاسقا تولدى, دەپ حابارلايدى "ۇلت اقپارات".
تۋعان كٷن مەرەكەسٸنە وراي ديماشتىڭ YouTube-تەگٸ ارناسىندا ونىڭ سەبي كەزٸندەگٸ سيرەك كەزدەسەتٸن ۆيدەولار جارييالاندى.
دٸنمۇحاممەد قاناتۇلى قۇدايبەرگەنوۆ 1994 جىلى 24 مامىردا اقتٶبەدە دٷنيەگە كەلدٸ. 2019 جىلدىڭ جەلتوقسانىندا وعان «قازاقستاننىڭ ەڭبەك سٸڭٸرگەن قايراتكەرٸ» اتاعى بەرٸلدٸ.
اتا-اناسى – ەنشٸ سۆەتا جەنە قانات ايتباەۆتار. كٸشكەنتاي ديماش اتا-ەجەسٸنٸڭ تەربيەسٸندە بولعان. بالا كەزدەن ساحنادا ەن ايتىپ, فورتەپيانودا ويناپ, ەرتٷرلٸ بايقاۋعا قاتىسقان.
جاس ەنشٸ التى وكتاۆانى قامتي الاتىن ۆوكالدىق كەڭ دياپازونىمەن ەرەكشەلەنەدٸ.
2015 جىلى ول ۆيتەبسكتە ٶتكەن «سلاۆيان بازارى» حالىقارالىق بايقاۋىندا باس جٷلدەنٸ يەلەندٸ.
دەل وسى جىلى «جىل ادامى» جالپىۇلتتىق باعدارلاماسى اياسىندا «جىل ەنشٸسٸ» اتاندى.
2016 جىلى «ۇمىتىلماس كٷن» تۋرنەسٸن ٶتكٸزدٸ. العاشقى تۋرنەسٸن قازاقستان تەۋەلسٸزدٸگٸنٸڭ 25 جىلدىعىنا ارناپ, ەلٸمٸزدٸڭ 25 ايماعىندا 25 كونتسەرت بەردٸ.
2017 جىلى ديماش «Hunan TV» قىتاي تەلەارناسىندا ٶتكەن «I am Singer» ۆوكالدىق بايقاۋىنىڭ بەسٸنشٸ كەزەڭٸنە قاتىسىپ, ەكٸنشٸ ورىن الدى. بۇل كونكۋرس وعان ەلەمدٸك دەڭگەيدەگٸ تانىمالدىلىق الىپ كەلدٸ.
نۇر-سۇلتان قالاسىندا ٶتكەن ەحرو-2017 حالىقارالىق كٶرمەسٸ اياسىندا العاش رەت اۋقىمى كەڭ جەكە كونتسەرتٸن ٶتكٸزدٸ. «Bastau» دەپ اتالاتىن كونتسەرتٸنە قازاقستاندىق جەنە شەتەلدٸك كٶرەرمەن جينالدى.
2019 جىلدىڭ ماۋسىمىندا د.قۇدايبەرگەن ەلوردادا «ارناۋ» اتتى جەكە كونتسەرتٸن ٶتكٸزدٸ. وعان 64 مەملەكەتتەن جانكٷيەرلەر كەلدٸ.
وسى جىلدىڭ جەلتوقسانىندا قازاقستاننىڭ اقش-تاعى مەدەنيەت كٷندەرٸ اياسىندا جەنە قر مەدەنيەت جەنە سپورت مينيسترلٸگٸنٸڭ قولداۋىمەن نيۋ-يوركتە ديماشتىڭ كونتسەرتٸ انشلاگپەن ٶتتٸ.
ەنشٸ 2020 جىلدىڭ 16 اقپانى مەن 4 سەۋٸرٸ ارالىعىندا ەۋروپا ەلدەرٸ بويىنشا تۋرنە ٶتكٸزۋدٸ جوسپارلاعان بولاتىن. الايدا كوروناۆيرۋس پاندەميياسىنا بايلانىستى ونىڭ جەكەلەگەنٸ كەيٸنگە قالدىرىلدى.
