«Qazgidromet» RMK 26 qazan kúni aýa raiynyń buzylýyna bailanysty birneshe óńirde eskertý jariialady, dep habarlaidy "Ult aqparat".
Mańǵystaý oblysynda soltústikten jel soǵady, oblystyń batysynda, soltústik-shyǵysynda, jeldiń kúshi 15-20 m/s artady.
Aqmola oblysynyń soltústiginde tuman, kóktaiǵaq, jaiaý burqasyn kútiledi. Ońtústik-batystan soǵatyn jel soltústik-batysqa aýysyp, túnde oblystyń soltústiginde ekpini 15-20 m/s, kúndiz 23 m/s jetýi yqtimal.
Nur-Sultan qalasynda ońtústik-batystan soǵatyn jel soltústik-batysqa aýysyp, kúshi 15-20 m/s jetedi.
Batys Qazaqstan oblysynyń soltústik-batysynda tuman kútiledi.
Shyǵys Qazaqstan oblysynyń ońtústik-batysynda jáne shyǵys bóliginde 15-20 m/s kúshpen jel soǵady.
Kúndiz Túrkistan oblysynyń taý asýlarynda ońtústik-batystan jel soǵady, kúshi - 15-20 m/s.
Kúndiz Pavlodar oblysynyń soltústiginde 15-20 m/s jyldamdyqta jel turady.
Túnde jáne tańerteń Qostanai oblysynyń soltústik-batysynda tuman, kóktaiǵaq boljanady. Soltústik-batystan jel soǵyp, kúshi oblystyń soltústiginde 15-20 m/s quraidy.
Soltústik Qazaqstan oblysynyń basym bóliginde jaýyn-shashyn (jańbyr, qar) kútiledi. Oblystyń soltústiginde, batysynda kóktaiǵaq, jaiaý burqasyn bolady. Jeldiń ekpini 23-28 m/s artady.
Sondai-aq 27-28 qazanda Jambyl oblysynyń taýly jáne taý bókterli aýdandarynda tuman, kóktaiǵaq kútiledi. 26-27 qazanda ońtústik-batystan soǵatyn jel soltústik-batysqa aýysyp, kúndiz 26 qazanda ekpini 25 m/s artady.
