Foto: depositphotos.com
Qazaqstanda sý sharýashylyǵy qyzmetkerleriniń jalaqysyn kóterýdi kózdeitin "Tabiǵi monopoliialar týraly" zańǵa engizilgen túzetýler kúshine endi, - dep habarlaidy Tengrinews.kz .
Qazir Sý resýrstary jáne irrigatsiia ministrligi men Ulttyq ekonomika ministrligi osy zańdy iske asyrýǵa baǵyttalǵan normativtik-quqyqtyq aktilerdi tirkeý jumystaryn júrgizip jatyr.
"Sý sharýashylyǵy qyzmetkerleriniń jalaqysy biyl qyrkúiekten bastap artady. El boiynsha sýmen jabdyqtaý jáne sý burý qyzmetin kórsetetin 25 myńnan asa qyzmetkerdiń jalaqysy ósedi. Aimaqtarǵa bailanysty jáne resmi statistikalyq málimetterge sáikes eńbekaqy orta eseppen 35-50%-ǵa kóbeiedi", - dep jazylǵan habarlamada.
Aita keteiik, bul túzetýlerdi ázirleý byltyr bastalǵan bolatyn. Biyl maýsymda zań jobasyna Memleket basshysy qol qoidy.
