Jol apatynan aýyr jaraqat alǵan Nurjigit Qoshanov Taraz qalalyq kópbeiindi aýrýhanasynan shyǵaryldy. Bul týraly eks-májilismen Baqytjan Bazarbek áleýmettik jelidegi paraqshasynda habarlady, dep habarlaidy ult.kz.
Ol Nurjigittiń meditsinalyq mekemeden shyǵarylǵan sátiniń videosyn jariialady.
«Nurjigitti Taraz qalasynyń qalalyq kópbeiindi aýrýhanasynan shyǵardyq», – dedi Baqytjan Bazarbek.
Videoda Nurjigitti eki adam qoltyqtap alyp shyqqany kórinedi. Ol aýrýhana qyzmetkerlerine alǵysyn aityp, qoshtasqan.
Eske salaiyq, jol apaty 15 tamyzda saǵat 20:00 shamasynda Jambyl oblysynda bolǵan. Politsiia málimetinshe, Toyota kóligin basqarǵan Baqytjan Bazarbek respýblikalyq mańyzy bar tasjolda bolǵan 36 jastaǵy er adamdy qaǵyp ketken.
Apattan keiin Nurjigittiń jaǵdaiy asa aýyr bolǵan. Ol aldymen Qulan aýylyndaǵy aýrýhanada emdelip, keiin Taraz qalalyq kópbeiindi aýrýhanasyna aýystyryldy.
Nurjigit aýrýhanada 31 kún em alyp, 24 kún komada jatqannan keiin esin jiǵan.
