Foto: Shutterstock
Eldi meken ishinde júk kólikteriniń jyldamdyǵy saǵatyna 50 km-den aspaýy tiis. Al arnaiy belgiler ornatylǵan ýchaskelerde burynǵydai 80–90 km/saǵ jyldamdyq saqtalady, dep habarlaidy Qazaqstan.tv.
Qolaisyz aýa raiynda júrgizýshilerge basyp ozýǵa, jolaq aýystyrýǵa jáne toqtaýǵa tyiym salynady. Eger kolonnada 10-nan astam kólik bolsa, olarǵa eki patrýldik politsiia avtokóligi mindetti túrde erip júredi.
Sonymen qatar shaǵyn avtobýstarǵa qoǵamdyq kólik aialdamalarynda jolaýshy otyrǵyzýǵa jáne túsirýge ruqsat berildi.
Ishki ister ministrliginiń málimetinshe, jyl basynan beri Qazaqstanda 29 myńnan astam jol-kólik oqiǵasy tirkelgen. Jyldamdyqty asyrý saldarynan 406 adam, al qarsy baǵytqa shyǵý kesirinen 400 adam qaza tapqan.
