Foto: ashyq derekkóz
Dýbaida aýyr qylmysqa qatysty ómir boiyna sottalǵan 22 jastaǵy qazaqstandyq azamat ázirge elge qaitarylmaidy. Bul týraly Syrtqy ister ministriniń orynbasary Álibek Baqaev Májilis kýlýarynda aitty, dep habarlaidy Ult.kz.
Onyń sózinshe, sottalǵan azamat apelliatsiialyq shaǵym túsirgen, sondyqtan ony qaitarý máselesi sot protsesi tolyq aiaqtalǵannan keiin ǵana qaralady. Qazir advokattar men Qazaqstannyń bas konsýldyǵy iske aralasyp, jumys júrgizip jatyr.
Vitse-ministrdiń aitýynsha, ministrlikke týystarynan resmi ótinish túspegen, biraq konsýldyq otbasy múshelerimen bailanysta.
Aita keteiik, buǵan deiin 22 jastaǵy Ernur Almahan Dýbaida ómir boiyna sottalǵany habarlanǵan bolatyn. Ol 2024 jyly jumys isteýge barǵan, al qandai bap boiynsha sottalǵany tolyq ashyq aitylmaǵan.
