فوتو: اشىق دەرەككٶز
دۋبايدا اۋىر قىلمىسقا قاتىستى ٶمٸر بويىنا سوتتالعان 22 جاستاعى قازاقستاندىق ازامات ەزٸرگە ەلگە قايتارىلمايدى. بۇل تۋرالى سىرتقى ٸستەر مينيسترٸنٸڭ ورىنباسارى ەلٸبەك باقاەۆ مەجٸلٸس كۋلۋارىندا ايتتى, دەپ حابارلايدى Ult.kz.
ونىڭ سٶزٸنشە, سوتتالعان ازامات اپەللياتسييالىق شاعىم تٷسٸرگەن, سوندىقتان ونى قايتارۋ مەسەلەسٸ سوت پروتسەسٸ تولىق اياقتالعاننان كەيٸن عانا قارالادى. قازٸر ادۆوكاتتار مەن قازاقستاننىڭ باس كونسۋلدىعى ٸسكە ارالاسىپ, جۇمىس جٷرگٸزٸپ جاتىر.
ۆيتسە-مينيستردٸڭ ايتۋىنشا, مينيسترلٸككە تۋىستارىنان رەسمي ٶتٸنٸش تٷسپەگەن, بٸراق كونسۋلدىق وتباسى مٷشەلەرٸمەن بايلانىستا.
ايتا كەتەيٸك, بۇعان دەيٸن 22 جاستاعى ەرنۇر الماحان دۋبايدا ٶمٸر بويىنا سوتتالعانى حابارلانعان بولاتىن. ول 2024 جىلى جۇمىس ٸستەۋگە بارعان, ال قانداي باپ بويىنشا سوتتالعانى تولىق اشىق ايتىلماعان.
