800-den astam otandasymyz Naýryz meiramyna shet elderden úilerine ushyp keldi, dep habarlaidy "Ult aqparat" Syrtqy ister ministrligine silteme jasap.
22 naýryzda QR Mysyrdaǵy Elshiliginiń diplomattary qazaqstandyq týristerdi Sharm el Sheih - Almaty baǵyty boiynsha charterlik reiske otyrǵyzýǵa qolǵabys kórsetti.
«Bizdiń týrister úshin Scat áýekompaniiasy uiymdastyrǵan charterlik reiske diplomattardyń kúshimen Kair jáne Aleksandriia qalalarynda ýaqytsha bolǵan azamattarymyzdyń ishinen qosymsha jolaýshylar otyrǵyzylǵanyn atap ótemiz. Júrgizilgen jumystyń qorytyndysy boiynsha 235 azamatymyz elge oraldy. Sondai-aq búgin Túrkiiada qazaqstandyq diplomattar QR 536 azamatyn elge jiberýge kómek kórsetti. Olar Ystambul áýejaiynyń tranzittik aimaǵynda jinalǵan otandastarymyzdy jóneltý jóninde aitarlyqtai aýqymdy jumys júrgizgenin atap ótý kerek» delingen habarlamada.
Búgin taǵy QR 32 azamaty Majarstan (31) men Omandaǵy (1) diplomattardyń qoldaýymen elge qaitqan.
Jalpy, 22 naýryzda 803 otandasymyz Qazaqstanǵa oraldy.
