22 naýryz kúni Qazaqstannyń 13 óńirinde ózen sýlary arnalarynan tasýy múmkin. Bul týraly «Qazgidromet» RMK-dan málim etti, dep habarlaidy "Ult aqparat".
Atap aitqanda, Batys Qazaqstan, Atyraý, Aqtóbe oblystarynda aýa temperatýrasynyń kóterilýi men kútilip otyrǵan jaýyn-shashyndarǵa bailanysty erigen qar sýy qalyptasady, ózender deńgeii kóterilip, arnalarynan tasýy múmkin.
Qaraǵandy, Aqmola, Soltústik Qazaqstan, Qostanai jáne Pavlodar oblystarynda kúndiz jańbyrdyń jaýýyna jáne temperatýranyń kóterilýine bailanysty qardyń erigen sýy qalyptasady, ózender deńgeii kóterilip, arnalarynan tasýy yqtimal.
Shyǵys Qazaqstan oblysynda aýa temperatýrasy birqalypty kóterilip, jekelegen jerlerde jaýyn túsedi. Saldarynan ózenderde seńniń júrýi kúsheiip, arnalarynda keptelister týyndaidy. Sý deńgeii joǵarylap, arnalarynan tasityny boljanady. Taý bókterlerinen sý aǵady.
Ońtústik Qazaqstan jáne Qyzylorda oblystarynda kútilip otyrǵan jańbyrǵa jáne temperatýranyń jylynýyna bailanysty ózen deńgeileri kóterilip, arnalarynan tasýy múmkin.
Almaty jáne Jambyl oblysynyń kei jerlerinde jaýyn-shashyndarǵa orai ózenderde sý deńgeii kóterilýi yqtimal.
