Qazaqstan Respýblikasy Birjalyq komitetiniń munai ónimderi jónindegi shaǵyn komiteti otyrysynyń 2021 jylǵy 13 qyrkúiektegi qorytyndysy boiynsha reaktivti qozǵaltqyshtarǵa (aviakerosinge) arnalǵan otynnyń birjalyq saýdasyn 2021 jylǵy 22 qyrkúiekten bastap iske qosý týraly sheshim qabyldandy, dep habarlaidy QazAqparat.
QR Básekelestikti qorǵaý jáne damytý agenttigi baspasóz qyzmetiniń habarlaýynsha, Saýda-sattyq Qazaqstan Respýblikasynyń Birjalyq komiteti bekitken taýar birjalary arqyly munai ónimderin kóterme saýdada ótkizý jónindegi usynymdar (sektsiialyq Qaǵidalar) negizinde ótkiziletin bolady. Satýshy retinde resýrs ustaýshylar, satyp alýshy retinde munai ónimderin kóterme jetkizýshiler men áýejailar qatysady.
Reaktivti qozǵaltqyshtarǵa arnalǵan otyndy taýar birjalary arqyly ótkizý kólemin «Munai ónimderiniń jekelegen túrlerin óndirýdi jáne olardyń ainalymyn memlekettik retteý týraly» Qazaqstan Respýblikasynyń Zańyna sáikes QR Energetika ministrligi belgileidi.
Munai ónimderi saýda-sattyǵynyń uiymdastyrýshylary retinde birjalyq komitet eki taýar birjasyn («Eýraziialyq saýda júiesi «taýar birjasy» AQ jáne «Kaspii «taýar birjasy» AQ) usyndy, saýda quraldaryn, jetkizý erekshelikteri men bazisterin ýákiletti organ – Qazaqstan Respýblikasy Energetika ministrligi bekitti.
«Aviakerosin saýda-sattyq kestesimen Básekelestikti qorǵaý jáne damytý agenttiginiń resmi telegramm-kanalynan tanysa alasyzdar AZRK#novosti#analitika (https://t.me/sovetpobaryeram), - delingen habarlamada.
