Qazaqstandyq boksshy Sadriddin Ahmedov (8-0, 7 KO) kásibi mansabynda toǵyzynshy jekpe-jegin ótkizdi, dep habarlaidy "Ult aqparat".
Ol Tetfor Mindegi (Kanada) boks keshi aiasynda óner kórsetken-tin. Segiz raýndqa eseptelgen birinshi orta salmaqtaǵy jekpe-jekte 21 jastaǵy qazaqstandyq pancher meksikalyq Daniel Vega Kotamen (14-3-1, 11 KO) kezdesip, ony tehnikalyq nokaýtpen 90 sekýndta jeńdi. Onyń aldynda qarsylasyn eki ret nokdaýnǵa túsirdi.
Bul Ahmedovtiń kásipqoi ringtegi toǵyzynshy jeńisi, sonyń ishinde segizin merziminen buryn aiaqtaǵan. Al Kota mansabynda tórtinshi ret jeńildi.
Eske salaiyq, Sadriddin Ahmedov áýesqoi boksta jastar arasyndaǵy Álem chempiony ataǵyn jeńip alǵan. Kásipqoi boksta eki titýl - birinshi orta salmaqtaǵy WBC «jastar» belbeýin jáne osy divizionda WBC Asia belbeýin ielendi.
