2040 jylǵa qarai álemde táýligine 112 mln barrel munai óndirilmek. Bul týraly búgin elordada ótip jatqan XII Kazenergy Eýraziialyq forýmynda OPEC bas hatshysy Mohammmed Barkindo aitty, dep habarlaidy QazAqparat tilshisi.
«Sońǵy birneshe aidyń ishinde jahandyq munai naryǵy saýda tartystary men geosaiasi damý saldarynan belgisizdikke toly boldy. Osynaý aiqynsyzdyq álemdegi eń iri óndirýshi Saýd Arabiiasynyń energetika jetkizýshilerine taýdaǵy shabýyldan keiin kúrdelene tústi. Shamamen 5-7 mln barrel óndiris naryqtan shyǵyp qaldy. Oslaisha, munai baǵasy 7 paiyzdan astamǵa sharyqtap ketti. Bul sońǵy 30 jylda kórip otyrǵan eń iri qubylmalyq. Sonymen qatar nebári 1 minýttyń ishinde 5-7 mln barreldiń joǵalýy munai taryhyndaǵy eń úlken shyǵyn. Bul rette Koroldik Úkimetiniń jáne ulttyq munai kompaniialarynyń tez arada ún qatyp, jyldam óndiristi qalpyna keltirýi mundai qubylmalyqtyń odan ary keńeie túsýine jol bermeidi», - dedi OPEC bas hatshysy.
Onyń paiymynsha, álemdegi munai men gazdyń qaýipsiz jetkizilýine kez kelgen kedergi indýstriia men ekonomikanyń aitarlyqtai buzylýyna alyp keledi. Sondyqtan OPEC -te, Qazaqstan da naryqtyń turaqty bolýyna qalaidy.
Sonymen qatar ol osy jyldyń 5 qarashasynda munai-gaz salasyndaǵy boljamdardy qamtityn álemdik sholý jariia etiletindigin atap ótti.
«Biz ázirleitin osy jáne ózge de jariialanymdar tyńǵylyqty saraptamalar men zertteýlerge negizdeledi. Osy oraida bizdiń zertteýlerimiz munai-gaz jáne búkil indýstriia basym bolatyndyǵyn kórsetip otyr. Energetikanyń kez kelgen formasy bizge suranysty qamtamasyz etý úshin qajet. Munai men gaz 2040 jylǵa deiin energetikanyń eń úlken úlesi bolyp qalady jáne saqtalady. Sonymen qatar biz munai-gazǵa suranystyń eń úlken ósimi 2040 jylǵa qarai kúnine 112 mln barrelge artatyndyǵyn kútemiz. Onyń basym bóligi halqy jyldam ósip kele jatqan, ekonomikalyq ósimi myqty damýshy elderge jetkizilmek», - dedi Mohammmed Barkindo.
