2040 جىلعا قاراي ەلەمدە تەۋلٸگٸنە 112 ملن باررەل مۇناي ٶندٸرٸلمەك. بۇل تۋرالى بٷگٸن ەلوردادا ٶتٸپ جاتقان XII Kazenergy ەۋرازييالىق فورۋمىندا OPEC باس حاتشىسى موحامممەد باركيندو ايتتى, دەپ حابارلايدى قازاقپارات تٸلشٸسٸ.
«سوڭعى بٸرنەشە ايدىڭ ٸشٸندە جاھاندىق مۇناي نارىعى ساۋدا تارتىستارى مەن گەوساياسي دامۋ سالدارىنان بەلگٸسٸزدٸككە تولى بولدى. وسىناۋ ايقىنسىزدىق ەلەمدەگٸ ەڭ ٸرٸ ٶندٸرۋشٸ ساۋد ارابيياسىنىڭ ەنەرگەتيكا جەتكٸزۋشٸلەرٸنە تاۋداعى شابۋىلدان كەيٸن كٷردەلەنە تٷستٸ. شامامەن 5-7 ملن باررەل ٶندٸرٸس نارىقتان شىعىپ قالدى. وسلايشا, مۇناي باعاسى 7 پايىزدان استامعا شارىقتاپ كەتتٸ. بۇل سوڭعى 30 جىلدا كٶرٸپ وتىرعان ەڭ ٸرٸ قۇبىلمالىق. سونىمەن قاتار نەبەرٸ 1 مينۋتتىڭ ٸشٸندە 5-7 ملن باررەلدٸڭ جوعالۋى مۇناي تارىحىنداعى ەڭ ٷلكەن شىعىن. بۇل رەتتە كورولدٸك ٷكٸمەتٸنٸڭ جەنە ۇلتتىق مۇناي كومپانييالارىنىڭ تەز ارادا ٷن قاتىپ, جىلدام ٶندٸرٸستٸ قالپىنا كەلتٸرۋٸ مۇنداي قۇبىلمالىقتىڭ ودان ارى كەڭەيە تٷسۋٸنە جول بەرمەيدٸ», - دەدٸ OPEC باس حاتشىسى.
ونىڭ پايىمىنشا, ەلەمدەگٸ مۇناي مەن گازدىڭ قاۋٸپسٸز جەتكٸزٸلۋٸنە كەز كەلگەن كەدەرگٸ يندۋسترييا مەن ەكونوميكانىڭ ايتارلىقتاي بۇزىلۋىنا الىپ كەلەدٸ. سوندىقتان OPEC -تە, قازاقستان دا نارىقتىڭ تۇراقتى بولۋىنا قالايدى.
سونىمەن قاتار ول وسى جىلدىڭ 5 قاراشاسىندا مۇناي-گاز سالاسىنداعى بولجامداردى قامتيتىن ەلەمدٸك شولۋ جارييا ەتٸلەتٸندٸگٸن اتاپ ٶتتٸ.
«بٸز ەزٸرلەيتٸن وسى جەنە ٶزگە دە جارييالانىمدار تىڭعىلىقتى ساراپتامالار مەن زەرتتەۋلەرگە نەگٸزدەلەدٸ. وسى ورايدا بٸزدٸڭ زەرتتەۋلەرٸمٸز مۇناي-گاز جەنە بٷكٸل يندۋسترييا باسىم بولاتىندىعىن كٶرسەتٸپ وتىر. ەنەرگەتيكانىڭ كەز كەلگەن فورماسى بٸزگە سۇرانىستى قامتاماسىز ەتۋ ٷشٸن قاجەت. مۇناي مەن گاز 2040 جىلعا دەيٸن ەنەرگەتيكانىڭ ەڭ ٷلكەن ٷلەسٸ بولىپ قالادى جەنە ساقتالادى. سونىمەن قاتار بٸز مۇناي-گازعا سۇرانىستىڭ ەڭ ٷلكەن ٶسٸمٸ 2040 جىلعا قاراي كٷنٸنە 112 ملن باررەلگە ارتاتىندىعىن كٷتەمٸز. ونىڭ باسىم بٶلٸگٸ حالقى جىلدام ٶسٸپ كەلە جاتقان, ەكونوميكالىق ٶسٸمٸ مىقتى دامۋشى ەلدەرگە جەتكٸزٸلمەك», - دەدٸ موحامممەد باركيندو.
