Halyqaralyq Olimpiada komitetiniń sheshimimen 2032 jylǵy Olimpiada Oiyndary Aýstraliianyń Brisben qalasynda ótetin boldy. Bul týraly Tokioda ótken HOK sessiiasynan keiin málim etildi, dep habarlaidy Kyodo agenttigi.
Aýstraliiada Olimpiada Oiyndary alǵash ret 1956 jyly Melbýrnde, ekinshi ret 2000 jyly Sidneide bolǵan. Endi Brisben osy eldiń dúbirli doda ótetin úshinshi qalasy atanyp otyr.
«Halyqaralyq Olimpiada komiteti 35-shi Olimpiadanyń Aýstraliiadaǵy Brisben qalasynda ótetinin habarlaidy», - dedi HOK basshysy Tomas Bah.
Oiynǵa qatysý ótinishin Aýstraliia Olimpiada komitetiniń prezidenti jáne HOK vitse-prezidenti Djon Koýts usynǵan.
Oiyndar 2032 jyly 23 shildede bastalmaq.
HOK-tyń Atqarý komiteti biraýyzdan Brisben qalasyn 2032 jyldyń maýsymynda qabyldaýshy tarap retinde usyndy. Osy jyldyń aqpan aiynda HOK bul qalanyń Oiyndardy ótkizýge qolaily jer ekenin aitqan.
Kvinslend premer-ministri Anasteisha Palashýk pen Brisben meri Adrian Shrinnerdiń basshylyǵymen aýstraliialyq delegatsiia HOK sessiiasynyń múshelerine óz qalalarynyń artyqshylyqtary týraly aityp berdi. Aýstraliianyń premer-ministri Skott Morrison Japoniiaǵa kele almady. Óitkeni ol Londondaǵy G7 sammitine baryp kelgennen keiin eki aptalyq karantinnen ótýde.
Premer-ministr sessiiaǵa beinebailanys arqyly qosyldy.
«Aýstraliia men Kvinslend úkimeti oiyndarǵa daiyndyq kezinde júzege asatyn infraqurylymdyq jobalardy tolyǵymen qarjylandyrady», - dedi ol.
2,2 mln halqy bar Brisben – Aýstraliianyń aýmaǵy boiynsha úshinshi iri qalasy jáne Kvinslend shtatynyń astanasy. Ol eldiń JIÓ-niń 9%-yn quraidy.
Al 2024 jáne 2028 jylǵy Jazǵy Oiyndar Parij jáne Los-Andjeles qalalarynda ótpek.
