2030 jylǵa qarai Qazaqstanda 23,2 tekshe shaqyrym sý tapshy bolady. QR Ekologiia, geologiia jáne tabiǵi resýrstar ministri Serikqali Brekeshev Májiliste ótip jatqan parlamenttik tyńdaýda osyndai málimet aitty,dep habarlaidy QazAqparat.
«Byltyrǵy baqylaý qorytyndysy boiynsha 32 sý obektisinde sý sapasy nashar, al 28 sý obektisi óte nashar klasqa jatqyzyldy. Sý sapasy tómendep, tehnogendik lastanǵan Balqash-Alakól, Aral-Syrdariia, Ertis jáne Tobyl-Torǵai basseini – birinshi kezektegi problema. Sý sapasy odan ári tómendeýi jáne sý resýrsyna júkteme kóbeiýi ekojúieniń tepe-teńdiginiń buzylýyna ákelýi múmkin», - dedi ministr.
Onyń aitýyna qaraǵanda, keleshekte halyq sany men mal basynyń ósýi, óndiris oshaǵynyń kóbeiýi sý tutyný kólemi 29,7 tekshe kilometrge deiin ulǵaitýy múmkin.
«2030 jylǵa qarai ishki ózen aǵyny 102,3-ten 99,4 tekshe kilometrge deiin qysqarady. Onyń ishinde shektes elderden keletin aǵyn 47,8-den 46,5 tekshe kilometrge deiin qysqarýy múmkin. Osyǵan bailanysty sý tapshylyǵy 23,2 tekshe kilometrdi quraidy. Bul halyqtyń jáne ekonomikanyń jyl saiynǵy sý paidalaný kólemimen birdei. Eger sý paidalaný tiimdiligi óspese, onda 2040 jylǵa qarai elimizdi sýmen qamtamasyz etý jaǵdaiy nasharlaýy múmkin», - dedi Serikqali Brekeshev.
